Хүүхдийн мөнгөн тэтгэмж авах зарим иргэний мэдээлэл зөрж хасагдсан асуудал үүсээд буй. Энэ асуудалд ҮСХ, ХНХЯ, ЦХХХЯ-наас тайлбар өглөө.
Үндэсний статистикийн хорооны дэд дарга Д.Лхамсүрэн "Орлогыг орлуулан тооцоолох аргачлал, туршилтын судалгаанд сонгогдсон түүвэр дээр зээлийн мэдээллийг оруулсан, оруулаагүй байдлаар тооцооллыг хийсэн.
Орлогыг орлуулан тооцоход орлого болон үл хөдлөх хөрөнгийн үнэлгээнд суурилан аж байдлын үнэлгээг гаргахад зээлийн мэдээллийн статистик чанар оролцоо багатай. Тиймээс иргэдийн зээлийн мэдээллийг оруулахгүйгээр үнэлгээг хийх боломжтой гэсэн үр дүн гарсан" гэлээ.
ХНХЯ-ны Бодлого, төлөвлөлтийн газрын дарга А.Хишигбаяр Монголд анх удаа төрийн мэдээлэлд тулгуурлан өрхөө үнэлж, улмаар аргачлал боловсруулсан. Энэ удаагийн аргачлалаар төрийн таван байгууллагын мэдээлэлд үндэслэж байгаа.
Тодруулбал, ҮСХ-ноос гаргаж байгаа хүн ам, өрхийн мэдээллийн сан, Татварын ерөнхий газар, Нийгмийн даатгалын ерөнхий газар, АТҮТ, Улсын бүртгэлийн газар гэсэн таван байгууллагын 12 үзүүлэлтээр өрхийг үнэлсэн.
Цахим шилжилтийн хүрээнд төр, иргэн хамтарч төрд байгаа мэдээллээ зайлшгүй засварлах шаардлага бий болж байна. Гэхдээ олон иргэнээс "миний мэдээлэл зөрүүтэй байна" гэсэн санал ирсэн. Хэрэв мэдээллийн зөрүүтэй байдал үүссэн бол засаж, залруулах бүрэн боломжтой. Жишээлбэл, ам бүлийн мэдээлэл зөрүүтэй байвал баг, хорооныхоо ЗДТГ-т очиж, өрхийн мэдээллийг өөрчлүүлж болно.
Магадгүй таны мэдээлэлд нэг машин нэмсэн байвал АТҮТ-д хандах боломжтой. Ингэж мэдээллээ засварласны дараа Хөдөлмөр халамж үйлчилгээний ерөнхий газраас өрхийн амьжиргааг дахин тооцох юм. Та бүхэнд хүсэлт гаргасан өдрөөс эхлэн хүүхдийн мөнгийг нөхөж олгох боломжтой. Хувийн мэдээллээ шалгаж үзээд аль байгууллагад ямар алдаатай байгаа талаар хүсэлтээ өгч болно. Тухайн байгууллага дээр биечилж очоод хүсэлтээ өгөөд мэдээллээ шинэчлүүлэх асуудал байгаа" гэв.
Хэрэв таны мэдээлэл зөрүүтэй байвал үүнийг шинэчлүүлж, дахин өрхийн орлогоо бодуулаад хүүхдийн мөнгөө нөхөж авах боломжтой" гэлээ.
Like
0
Зөв
0
9
Буруу
0
Воов
2
Уйтгартай
1
Дуртай
9 ам бүл амьдардаг.
Үйл ажиллагаа явуулаад татвараа төлөөд тайлангаа гаргаад явж бхад 3 хүүхдийг минь хүүхдийн мөнгөнөөс хаслаа шударга бус бна.
Хүүхэд бүрт өгөх хэрэгтэй өөрсдөө идэх болохоороо хэдэн их наядаар нь иддэг бж сарын 100 000 хүүхдээс харамлаад эцэг эх нь ажил хийж татвараа төлж бхад шүү инээдтэй юм бэ.
© 2013-2023. Вэб сайт бүтээсэн: Tsast Solution LLC
