“Эрдэнэт үйлдвэр” ТӨҮГ өнгөрсөн жил Эрдэнэтийн-Овоо ордын исэлдсэн хүдрийн 8А, 12, 2Б овоолгын нөөцийг тооцоолж, тайлангаа Эрдэс баялгийн мэргэжлийн зөвлөлийн хуралдааны хэлэлцүүлэгт хамгаалж, үүсмэл ордын нөөцийг Улсын нөөцийн нэгдсэн санд бүртгүүлсэн. Энэ ажлын хүрээнд Судалгаа, шинжилгээний хүрээлэнгийн мэргэжилтнүүд “Хүдрийн төрөл, бодисын найрлага, технологийн шинж чанар, уусгалтын технологийн судалгаа” болон “Ашигт малтмалын ордын уул-техникийн нөхцөл, урьдчилсан техник эдийн засгийн үнэлгээ”-ний технологийн туршилт, эрдсийн судалгаа хийжээ. Мөн Эрдэнэтийн-Овоо ордын хүдрийн шинж болон баяжигдах чанарыг нарийвчлан судлах, үйлдвэрлэлийн хэтийн төлөвлөлтийн үндсэн өгөгдлүүдийг бий болгох зорилгоор ашиглалтын болон гүйцээх хайгуулын 12000 тууш метр өрөмдлөгийн чөмгөн дээжид туршилт судалгааны ажил хийж гүйцэтгэсэн байна
. Түүнээс гадна “Эрдэнэт үйлдвэр” ТӨҮГ-ыг 2031 он хүртэл хугацаанд хөгжүүлэх үндсэн чиглэлд тусгасан “Эрдэс баялгийн нөөц өсгөх” төслийн хүрээнд Шандын ордын зэс-молибдены хүдрийн баяжигдах шинж чанарыг судлах шаардлага үүссэн. Энэ ажлын хүрээнд зэс-молибдены хүдрийн технологийн туршилт, судалгааны ажлыг Судалгаа, шинжилгээний хүрээлэнд хийжээ. Тус хүрээлэнгийн мэргэжилтнүүд 2023-2024 онд ядуу агуулгатай хүдрийн 9-р овоолгын дээж болон Оюутын ордын нарийвчилсан хайгуулын ажлын хүрээнд технологийн туршилт, судалгаа хийхээр бэлтгэл ханган ажиллаж байна.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
