Баруун болон говийн бүсийн зарим аймаг нь зудтай мөн нийслэл, орон нутаг гэлтгүй “ГУРИЛЫН” үнэ тэнгэрт хадсан гээд салбар нь асуудал дүүрэн байхад ХХААХҮ-ийн сайд Х.Болорчулуун үхэрнүүдийг “ЭЭМЭГЛЭХ”-ээр зэхжээ.
Таван сая үхрийг ээмэгжүүлэхэд 13 тэрбум орчим төгрөг зарцуулна. Төсөвт мөнгө шинээр тусгаагүй. ХХААХҮЯ-ны дэргэд ажилладаг төслүүдийн зарим арга хэмжээг үхэр ээмэгжүүлэх ажил руу шилжүүлж, санхүүжилтийг шийдэж байгаа. Ийм байдлаар нөөц боломжоо ашиглаж үхэр сүргээ ээмэгжүүлэх ажлыг хийнэ" гэсэн юм. Малыг ээмэгжүүлсэнээр бүртгэл цахимжиж, махаа хаанаас ирсэнийг мэдэх юм гэнэ.
Х.Болорчулууны хувьд “ГУРИЛ”-ын үнэ ч дүүрсэн хэрэг биз... Учир нь тэрбээр “Дорнод гурил” ХХК-тай хамаарал бүхий этгээд билээ. Өөрөөр хэлбэл, ашиг сонирхлын зөрчилтэй бөгөөд сэтгүүлчид гурилын үнийг барих тухай асуувал: “Үгүй, боломжгүй. ААН-үүд алдагдалд орно” гэж хаацайлдаг. Угаасаа ч түүнийг өнгөрсөн оны наймдугаар сард ХХААХҮ-ийн сайдаар томилогдох үед нь л иргэд битгий хэл, танхимынх нь зарим гишүүн “Ашиг сонирхлын ЗӨРЧИЛТЭЙ” хэмээн ярьж байв.
Сар шинийн баярын бэлтгэл ажил хэдийнэ эхэлсэн энэ үед гурилын үнэ иргэдийн нуруун дээр багагүй “АЧАА” болж байна. Өнөөдрийн байдлаар 1 кг болон дээд гурилын үнэ 3000 төгрөгийг “ШҮРГЭЭД” байгаа. Баярын гол идээ болох буузаа хийхгүй байлтай биш, иргэд “Ямар үнэтэй юм” хэмээн амандаа үглэсэн ч гурилаа авсаар... Харин Х.Болорчулуун сайд тоосон шинжгүй, үхэр “ЭЭМЭГЛЭХ” тухай ярьсаар...
Like
0
Зөв
0
1
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
