Цагдаагийн ерөнхий газраас койн, крипто валюттай холбоотой цаг үеийн нөхцөл байдлын талаар мэдээлэл өглөө.
Эрүүгийн цагдаагийн албаны Эдийн засгийн гэмт хэрэгтэй тэмцэх газрын дарга, цагдаагийн дэд хурандаа Б.Ганчулуун "Койнтой холбоотой 490 гомдол, мэдээллийг цагдаагийн байгууллага шалгаж байна. Улсын хэмжээнд 64 койн гарсан. Ганц О.Мөнхжинг биш бүх койн, токеныг шалгаж байгааг дуулгая.
Түүнчлэн, хэрэгт холбогдсон иргэд цахим орчинд янз бүрээр үзэл бодлоо илэрхийлж байна. Үүнийг дагаад, цахим орчинд идэвхтэй иргэд худал мэдээллийг олон нийтэд түгээж байна. Тухайн иргэний гадаад паспортын зургийг цахим орчинд цагдаагийн байгууллагаас тавиагүй. Хэрэгт ашиглаж буй материалыг задалбал цагдаагийн байгууллагын өөрсдийн ажилд саад болно" гэв.
Харин ЦЕГ-ын Хэвлэл мэдээллийн төвийн дарга Г.Мөнхбаяр "Бүх койн, токен дээр хууль зөрчсөн үйлдэл байгаа эсэхийг шалгаж байгаа. Дан ганц IHC койныг шалгаагүй. Койн, токентой холбоотойгоор зөвхөн гэмт хэргийн үйлдэл агуулга байна уу гэдгийг шалгана. Үндэслэлтэй байна гэж үзвэл цагдан хорих саналыг прокурорт шалгуулна. О.Мөнхжинтэй холбоотой асуудал дээр шүүхээс нотлох баримтыг үндэслэлтэй гэж үзээд цагдан хорьсон" хэмээв.
Like
0
Зөв
0
0
Буруу
0
Воов
0
Уйтгартай
0
Дуртай
Шилдэг залуу эрдэмтэн, эмч нар Ерөнхийлөгчийн нэрэмжит шагнал хүртлээ
© 2013-2023. Вэб сайт бүтээсэн: Tsast Solution LLC
