ТҮЦ-ээр амь зуугчдын холбооноос өнөөдөр Үндэсний мэдээллийн төвд хэвлэлийн хурал зохион байгууллаа.
ТҮЦ-ээр амь зуугчдын холбооны УЗ-ийн гишүүн н.Отгонбаяр: "Шинийн нэгний өдөр төв талбайд жагсаал зохион байгуулах талаар өмнө нь мэдээлж байсан. Үүнтэй холбогдуулан байр сууриа илэрхийлье.
Нийслэлийн Баянгол дүүргийн Засаг дарга Ө.Сумъяабаатар бүх ТҮЦ-ийг ачих А35 захирамжийг 2023 оны нэгдүгээр сарын 25-ны өдөр гаргасан. Энэхүү захирамжаа хоёрдугаар сарын 14-нд цуцалсан байна. Ингэснээр бүх ТҮЦ-ийг хоморголон ачих нь буруу юм байна гэж үзжээ. ТҮЦ-үүдийг хэрхэн цэгцлэх талаар ажлын хэсгээрээ ярилцахаар болсон байна.
Бүх ТҮЦ-ийг хоморголон ачих захирамж хүчингүй болсон тул шинийн нэгэнд "Бидэнд баярлах шалтгаан байхгүй" нэртэй жагсаал цуглаан зохион байгуулахгүй болсноо мэдэгдэж байна. ТҮЦ ажиллуулж амьдарч байгаа хүмүүс үндэсний үйлдвэрлэгч, импортлогч болъё гээд төсөл хөтөлбөрүүдэд оролцохоор олддоггүй. ТҮЦ-ийг цэгцлэх нь зөв, гэхдээ эргэн тойронд хог хаяад байгаа нь иргэдийн ухамсрын асуудал. Бид эргэн тойрноо цэвэрлэдэг юм" гэв.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
