Өнөөдрийн ээлжит Засгийн газрын хуралдааны шийдвэрийн талаар танилцуулаа.
Засгийн газрын хэрэг эрхлэх газрын дарга Д.Амарбаясгалан:"Ерөнхий сайд С.Оюун-Эрдэнэ БНСУ-д айлчлахдаа монгол иргэдэд нэн хөнгөлөлттэй нөхцөлөөр виз олгох, цаашлаад визгүй зорчуулах талаарх саналыг тавьсан.
Энэ нь үндэслэлгүй санал биш, 2023-2025 онд Монголд зочлох жил болгон дэлхийд зарласан ба энэ хүрээнд солонгосчууд Монголд визгүй зорчих боломжтой болсон. Тиймээс энэ хугацаанд монголчуудад визгүй болгох саналыг тавьсан ба БНСУ-ын Ерөнхийлөгч Юн Сок Ёль өөрийн улсын Ерөнхий сайд, хуульзүйн сайд, Цагаачлалын алба, Гадаад харилцааны сайддаа үүнийг хэрэгжүүлэхэд анхаарч ажиллах үүргийг өгсөн. Энэхүү ажил маш эрчимтэй хэрэгжиж байна. Энэ хүрээнд тус улсын цагаачлал хариуцсан сайд, хууль зүйн сайд тэргүүтэй зочид энэ сард манай улсад айлчилна.
Визгүй болсноор иргэд, улс хоорондын харилцаанд гарах үр дүн, ач холбогдол цаашлаад үр дагаврын талаар нарийн тооцоолох нь чухал.
Визний нөхцөлийг харьцангуй хөнгөлөхөөр болсон. Тодруулбал Солонгосын талаас эрүүл мэндийн үйлчилгээ авах өвчтөн, тэдний асран хамгаалагчдад олгох визний нөхцөлийг хөнгөлөхөөр болсон. Цаашлаад визгүй болгоно гэдгээ мэдэгдсэн. Мөн олон удаагийн визийг тодорхой чиглэлд олгодог байсан бол мульт-визийг олгох төрлөө нэмэхээр болж, хүндрэл бэрхшээлийг арилгая гэсэн хариуг хэлсэн.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
