Ерөнхий сайд Л.Оюун-Эрдэнэ "ШУВУУ" ажиллагааны хүрээнд авчрах эх орноосоо "УРВАГЧИД"-ыг ирэх 7 хоногт зарлана" гэж өчигдөр /2023.03.01/ хэлсэн. Өөрөөр хэлбэл, авилга, хээл хахуулийн хэргээр шалгагдах явцдаа хилээр оргон зайлсан этгээдүүд юм.
Албан бус эх сурвалжийн хэлж буйгаар "ШУВУУ" ажиллагаанд "шүүрүүлэх" эхний ээлжинд Ерөнхий сайд асан Ч.Сайханбилэг, УИХ-ын гишүүн асан Т.Бадамжунай болон "Тавантолгой төмөр зам" ХХК-ийн гүйцэтгэх захирал Н.Удаанжаргал нар багтаж буй аж. Тэднийг эргэн сануулбал,
Ч.Сайханбилэг нь "Эрх мэдлээ урвуулан ашиглаж, давуу байдал бусдад олгосон мөн төрийн хууль ёсны ашиг сонирхолд хохирол учруулсан" гэх үндэслэлээр шалгагдаад, багагүй хугацаа өнгөрсөн билээ. Тухайлбал,
Тэрбээр Аж үйлдвэрийн сайд асан Д.Эрдэнэбаттай хамтран “Эрдэнэт үйлдвэр” ТӨҮГ, “Монголросцветмет” компанийн 49 хувийн хувьцааг “Монголын зэс” ХХК-д худалдах саналыг зөвшөөрөх" гэсэн шийдвэр гаргасан. Түүнчлэн, Хөгжлийн банкны хэрэг ч Ч.Сайханбилэгтэй холбоотой. Ерөнхий сайдаар ажиллах үед нь буюу 2012 оноос тус банк зээл олгож эхэлсэн байдаг. Холбогдох шалтгаан нь мөн л албан тушаал ашиглаж, "ЧАНАРГҮЙ ЗЭЭЛ" олгосон байж болзошгүй. Түүнийг 2018 онд АТГ-аас шалгаж байсан ч төд удалгүй АНУ руу оргон зайлсан юм.
Дараагийн "ШҮҮРҮҮЛЭХ" хүн нь Т.Бадамжунай. Тэрбээр УИХ-ын гишүүн, ХХААХҮ-ийн сайдаар ажиллаж байсныг та бид мэднэ.
ХХААХҮЯ-аас ЖДҮХС-гийн хүрээнд 2012 онд төсөвт тусгасан 500 сая төгрөгийг эрх мэдлээ урвуулан ашиглаж, зориулалтынх нь дагуу бус өөрийн хамаарал бүхий этгээдүүдтэй хамтран "ЗАВШСАН" байж болзошгүй үндэслэлээр түүнийг шалгаж байсан. Гэвч тэрбээр БНСУ руу хил даваад, 5 жил гаруй хугацаа өнгөрчээ.
"НҮҮРСНИЙ ХУЛГАЙ"-н хэрэгт зүй ёсоор багтаж буй "Тавантолгой төмөр зам" ХХК-ийн гүйцэтгэх захирал Н.Удаанжаргалыг нэрлэхгүй байхын аргагүй.
Түүнийг гэр, хамаарал бүхий обьектод нэгжлэг хийх явцад 700 мянган "АМ.ДОЛЛАР"-ын хадгаламж, "5 ТЭРБУМ"-ын үл хөдлөх хөрөнгө илэрсэн байдаг. Гэвч энэ үеэр аль хэдийнэ БНСУ руу явчихсан байлаа. Н.Удаанжаргал хил давсан шалтгаанаа "Төмөр замын барилгын ажил, галт тэрэгний туннель барих технологийн талаар туршлага судлах томилолтын ажилтай яваа" хэмээн тайлбарласан байдаг аж. Томилолт нь өнөөдрийг хүртэл дуусаагүй юу эсвэл өөрийг нь олохгүй хэмээн бодсон яваа юу, бүү мэд...
Ямартаа ч эхний ээлжинд "ШҮҮРҮҮЛЭХ" этгээдүүдийн жагсаалтад дээрх 3 хүн багтаж байна.
Like
0
Зөв
0
0
Буруу
0
Воов
0
Уйтгартай
1
Дуртай
© 2013-2023. Вэб сайт бүтээсэн: Tsast Solution LLC
