Тэтгэвэр, тэтгэмж, хүүхдийн мөнгө... Эдгээрийг хариуцсан газар нь Хөдөлмөр, нийгмийн хамгааллын яам мөн. Гэвч Л.Оюун-Эрдэнийн Засгийн газрын хамгийн "ТОГТВОРГҮЙ" яам болоод байна. Учир нь Л.Оюун-Эрдэнийн үед гурван ч сайдын нүүр үзэж байгаа юм. Тухайлбал,
Аюушийн Ариунзаяа
А.Ариунзаяа нь 2020 оны долдугаар сарын 8-нд сайдаар томилогдон 2 жил 22 хоног ажиллаж, 2022 оны наймдугаар сарын 30-ны өдөр ажлаа хүлээлгэн өгчээ. Шалтгаан нь ҮХНӨ-ийн нэгээхэн хэсэг болох "УИХ-ын хэдэн ч гишүүн сайдаар ажиллаж болно" гэх заалт сэргэснээр түүний хувьд сайдын суудлаас мултрав. Уг нь олон нийт А.Ариунзаяад тун "АМ САЙТАЙ" байсан юм.
Даваажанцангийн Сарангэрэл
Тэрбээр ХНХ-ын сайдаар хамгийн богино хугацаанд буюу 27 хоног ажилласан. Тэрбээр УИХ дахь Байнгын хорооны хуралдааны үеэр Амьжиргааны баталгаажих төвшингөөс доогуур орлоготой иргэдийг "УЛНЫ" хэмээн хэлсэн нь олны дургүйцлийг хүргэсэн. Өөрөөр хэлбэл, "ДААГАНААС БИШ ДАРВАГАРААСАА БОЛЖ УНАСАН" гэсэн үг. Иргэдийн төлөөлөл ч яамных нь үүдэнд "ОГЦОР" гэх шаардлагыг тавьж, улмаар Д.Сарангэрэл ажлаа өгсөн.
Төмөрбаатарын Аюурсайхан
Д.Сарангэрэл "УЛНЫ" гэх үгнээс болж, ажлаа өгсний дараа сар гаруй хугацаанд ХНХЯ сайдгүй явсны эцэст Т.Аюурсайхан сайдаар нь очив. Гэвч тэрбээр хагас жил ч бололгүй ажлаас чөлөөлөгдөх хүсэлтээ Засгийн газрын тэргүүн өгөв. Шалтгаан нь "НҮҮРСНИЙ ХУЛГАЙ"-н хэрэг. Түүнийг АТГ-аас яллагдагчаар татаж, олон нийтэд мэдээлсэн. Т.Аюурсайханы хувьд "Өөрийнхөө гэм буруугүйг хуулийн байгууллагаар шалгуулж, олон нийтэд нотлох болно" хэмээн УИХ-ын гишүүн, ХНХ-ын сайдаас чөлөөлж өгөхийг хүссэн байдаг. Түүнийг огцруулах эсэхийг энэ сарын 15-нд эхлэх УИХ-ын хаврын чуулганаар хэлэлцэж, шийдэх юм.
Ийнхүү Засгийн газрын тэргүүн Л.Оюун-Эрдэнэ ХНХ-ын 4 дэх сайдынхаа эрэлд гарах нь нэгэнт тодорхой болж байна. Улс төрийн хүрээнд УИХ-ын гишүүн М.Оюунчимэг, Б.Саранчимэг нарын нэр яригдаж байгаа юм.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
