Төр.мн

Нүүр / Онцлох / “Ерөнхийлөгчийн болон АН-ын саналыг ард түмнээс асуух боломжгүй”

Онцлох

0
1299

“Ерөнхийлөгчийн болон АН-ын саналыг ард түмнээс асуух боломжгүй”

Админ

6 жилийн өмнө

$\"\"$

УИХ дахь Ардчилсан намын зөвлөл Үндсэн хуульд нэмэлт өөрчлөх оруулах тухай төсөлд 25 санал тусгуулах, зөвшилцүүлэхээр өгсөн ч аль ч заалтыг нь МАН-ын бүлэг дэмжээгүй байна. Дээрээс нь Ерөнхийлөгчийн өргөн мэдүүлсэн төсөл, саналын ихэнх нь дэмжигдээгүй.

УИХ-ын Төрийн байгуулалтын байнгын хорооны хуралдааны үеэр УИХ-ын гишүүн Ж.Мөнхбат \"Ерөнхийлөгчийн болоод АН-ын гаргасан саналуудыг хамтатгаад эдгээр заалтыг дэмжих үү гээд ард түмнээс асууж болохгүй юу” хэмээлээ.

Харин Төрийн байгуулалтын байнгын хорооны дарга С.Бямбацогт \"Үндсэн хуульд нэмэлт өөрчлөлт оруулах журмын тухай хуульд энэ талаарх зохицуулалтыг хийсэн. Үндсэн хуулийн нэмэлт өөрчлөлтөд Ард нийтийн санал асуулга явуулах тухай тогтоолыг УИХ-аар батлаад үүнтэй холбоотойгоор хоёр хэлэлцүүлэг хийгээд Үндсэн хуулийн нэмэлт өөрчлөлтийн эхийг батална. Баталсан эхийг дэмжинэ, дэмжихгүй, зөвшөөрнө, зөвшөөрөхгүй гэдгээр санал асуулга явуулна. Үүнээс өөр хоёрдагч, гуравдагч асуулт гэж байхгүй гэж хуульд заасан. Тийм учраас Ард нийтийн санал асуулга явуулга тухай гишүүдээс асуухад олонх нь зөвшөөрсөн. Одоо бид Үндсэн хуулийн нэмэлт өөрчлөлтийн төслийн эхээ бэлдэнэ. Үүнийхээ дараа ард түмнээс асууна” гэх тайлбарыг өглөө.