Өөрийг нь зайлуулбал "Бусдын "НО"-г дэлгэнэ" гэж намаа "ШАНТААЖИЛЖ" буй Т.Аюурсайхан

1
1308

Өөрийг нь зайлуулбал "Бусдын "НО"-г дэлгэнэ" гэж намаа "ШАНТААЖИЛЖ" буй Т.Аюурсайхан

Админ

2023-03-30

“НҮҮРСНИЙ” гэх хэрэгт ЯЛЛАГДАГЧ-аар татагдаад буй гурван гишүүн болох Т.Аюурсайхан, Н.Наранбаатар, Д.Бат-Эрдэнэ нарын бүрэн эрхийг ТҮДГЭЛЗҮҮЛЭХ асуудлыг Халдашгүй байдлын дэд хороо хэлэлцэхээр болсон юм. Улмаар өчигдөр /2023.03.30/ 8 цаг гаруй хуралдсаны эцэст тэдгээрийг “ТҮДГЭЛЗҮҮЛЭХ” УЕП-ын саналыг дэмжлээ. Мөн МАН-ын бүлэг ч “дуу” нэгтэйгээр дэмжив.

Эдгээрийн нэг болох Т.Аюурсайханыг үндэслэлгүйгээр хөрөнгөжих, зохион байгуулалттай гэмт бүлэглэл байгуулсан гэх үндэслэлээр яллагдагчаар татаж, 11 хүнтэй уулзахыг хориглож, 119 хүнийг гэрчээр байцаажээ.

Түүний “ҮНДЭСЛЭЛГҮЙ ХӨРӨНГӨЖСӨН” гэх хэргийг сийрүүлбээс,

-Өөрийнхөө цүнх баригчдыг "Эрдэнэс Тавантолгой" ХК-д албан тушаалд томилуулж, тэдгээрээр дамжуулж хууль бус зүйл хийдэг байж болзошгүй хэмээн шалгуулж байгаа. Тухайлбал,

2017 онд эх үүсвэр нь тодорхойгүй 700 гаруй сая төгрөгөөр Зайсангийн “Сөүл рояал каунти” хотхонд 230 ам.метр талбай бүхий орон сууцыг худалдан авсан. Гэвч түүнийхээ эх үүсвэрийг “тайлбарлаж чадаагүй” гэх хуулийн байгууллагын мэдээлэл бий. Түүнчлэн хадам дүүгийнхээ нэр дээр Төв аймгийн Сэргэлэн сумд есөн айлын газар худалдан авч, адууны зүчээ барьсан.

Мөн хадам ээж болон хадам ахынхаа нэрээр Хүй долоо худагт хоёр га газар худалдан авч, 860 сая төгрөгийн үнэлгээтэй гэх адууны зүчээ, хүлээн авалтын гэр, байшин барьжээ. Үүгээр зогсохгүй Дорнодын Хөлөнбуйрт ч объект барьж, мөнгөө угаасан хэрэгт холбогдсон.

Харин “ЗОХИОН БАЙГУУЛАЛТТАЙ ГЭМТ БҮЛЭГЛЭЛ БАЙГУУЛСАН” гэх хэрэг нь,

2016 оны сонгуулийн үеэр штабынх нь Ерөнхий менежер асан Б.Ганхуягийг “Эрдэнэс тавантолгой” ХК-д гүйцэтгэх захирал, ТУЗ-ийн гишүүнээр томилуулсан. Мөн Н.Удаанжаргалыг “Тавантолгой төмөр зам” ХХК-ийн гүйцэтгэх захирлаар томилсон. Мөн 2020 оны УИХ-ын сонгуулиар өөрийн сонгуулийн штабын ерөнхий менежерээр ажиллаж байсан И.Даваадоржийг гишүүний зөвлөхөөр томилж, хажуудаа авчээ.

Мөн Х.Нурлатыг “Эрдэнэс тавантолгой” ХК-ийн Дотоод хяналт, эрсдэлийн удирдлагын газрын дарга, “Зүүнбаян төмөр зам” ХХК-ийн ТУЗ-ийн гишүүнээр томилуулахад УЛС ТӨРИЙН ДЭМЖЛЭГ үзүүлж, албан тушаалаа урвуулан ашигласан гэх хэрэгт холбогдоод буйг энд онцолж байна.

Цагтаа ШӨХТГ-ын даргаар ажиллаж, жигтэйхэн "цэвэр" хүн байсан Т.Аюурсайхан "АР ХУДАРГА"-аар нь ийм л хэргүүд үйлдэж явжээ. Тэрбээр өөрийг нь "улстөрөөс зайлуулбал бусад хүмүүсийн ч "НО"-г дэлгэнэ" хэмээн МАН-аа "шантаажилж" байгаа гэх...

Нийт сэтгэгдэл 1

! Анхаар! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд tur.mn сайт хариуцлага хүлээхгүй.

Зочин - 2 жил өмнө

хариулах

Урьд ньхэн байсан нь сонин биш, харин одоо хэн болсон нь үнэнд нийцнэ!!! Намын нэрийн ард нуугдаж төр, түмнээс хулгайлсан бол хариуцлага хүлээхэл ёстой..