Гандантэгчэнлин хийдэд болсон хүүхдийн хүчирхийллийн талаар "Далд хүн" ТББ-аас мэдээлэл өглөө.
Энэ талаар "Далд хүн" ТББ-ын тэргүүн Б.Ууганбаяр: "Хүүхдийн хүчирхийлэл жил ирэх тусам нэмэгдэж байна. Хамгийн гол хүүхдийн эрх яригдаж байна. Лам, дарга нарын нэр хүнд уналаа гэдэг асуудал биш юм. Гэтэл хүүхдийн эрхийг хамгаалахгүй байсаар ийм байдалд хүрлээ.
Дарамт ирсэн ч хүүхдийн эрхийн төлөө тууштай явна. Хохирсон 13 настай хүүгийн ээж манай байгууллагад хүсэлт гаргасан. Хүсэлтийн дагуу бид бүхэн хамтарч ажиллаж, тухайн хүүхдийг хамгаалах болсон. Цаашид олон хүүхэд хохирсон байж болзошгүй мэдээлэл байна.
Эцэг эх, асран хамгаалагч нар хүүхдээ үл хайхрах хүчирхийлэлд оруулж байна. Өөрөө амьдралын боломжгүйгээс болж хүүхдээ хаа хамаагүй газар орхиж явснаас болж тухайн хүүхэд хүчирхийлэлд өртөх нөхцөл бүрдэж байна.
Төр, сүм хийдийн харилцааны тухай хуульд заасны дагуу тухайн шашны үйл ажиллагаа явуулж байгаа байгууллага хүүхэд хамгааллын үйлчилгээг үзүүлэх мөн Хөдөлмөрийн тухай хуулийн 43-р зүйлд заасны дагуу эцэг эхийн зөвлөл Хүүхэд хамгааллын тухай хуультай холбогдуулсан дотоод дүрэм журмыг бий болгосон байх ёстой.Эдгээр дүрэм журам байхгүй байгаагийн илрэл нь энэ хэрэг гэж харж байна” гэв.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
