Цахим орчноо Сүнээ гэж танигдсан балетын багш Б.Сүндэръяа гэх эмэгтэй өөрийн цахим хуудаснаа нэгэн ноцтой баримт дэлгэсэн. УИХ-ын нэгэн гишүүн түүнд бэлгийн дарамт үзүүлсэн, хүчээр тэвэрч үнссэн, гар хүрсэн, өнөөдрийг хүртэл уулзах, учрах хүсэлт тавьж дарамталж, сүрдүүлж буй талаар нийтэлсэн нь олны анхаарлыг татаад байна.
Иргэн Б.Сүндэръяагийн бичсэн мэдээлэлд "Хөөрхий минь дэвшиж буй нутгынхаа малчдад мотоцикл мөнгө бензины талон тарааж сүүлийн 3 сар сайн тордсоон. Сумдуудын засаг дарга нарт миний талд ажиллаж гаргахад тусалбал гарсаныхаа дараа байр өгнө гэж амлаад өгөх гэж байгаа байраач УБ хотод урьж авчран үзүүлсэн юм билээ. Нэг сумынх нь засаг даргатай уулзахдаа бөөнөөрөө УБ хотод ийм шалтгаанаар ирсэнийг сонссон юм... МАН УИХ дэвших эрхийг Занданшатар дарга олгосон юм билээ. МАН УЗ зөвшөөрүүлж чадсан... Үр хүүхдээ хүртэл бусдын гарт алдчихаад яагаад хүүхэд шигээ жаахан хүүхдүүдийг хайрладаггүй юм бэ?” гэм мэт бичсэн бөгөөд эндээс чухам хэн бэ? гэдгийг парламентын 76 гишүүнээс төвөггүйхэн олчихно.
Энэ асуудлыг цагдаагийн байгууллага шалгаад эхэлмэгц тэр дарамтлагч, сүрдүүлэгч УИХ-ын гишүүн хэн бэ? гэдэг нь нийтэд тодорхой, ил болоод ирэх биз.
УИХ-ын гишүүн Ц.Анандбазар яаран МЭДЭГДЭЛ гаргахын учир?
Иргэн Б.Сүндэръяагийн бичсэн зүйлд нэг ч хүний нэр дурдаагүй байхад харин УИХ-ын гишүүн Ц.Анандбазар яаран хариу мэдэгдэл гаргасны учир юу вэ? Тэрээр "...Харамсалтай нь хэн гэдэг УИХ-ын гишүүн хүн түүнд дарамт үзүүлж байсныг нэрлээгүй учир нийгэмд УИХ-ын гишүүн Ц.Анандбазар намайг холбогдуулан нэрлэж, бичиж эхэлжээ. Ард түмний өмнө хууль ёсыг сахин биелүүлнэ гэж тангараг өргөсөн УИХ-ын гишүүний хувьд Ц.Анандбазар миний бие "Сүнээ” гэх нэрээр нийгмийн цахим сүлжээнд танигдсан Б.Сүндэръяаг танихгүй, уулзаж байгаагүй, тухайн мэдээлэлд дурдагдсан шиг үйлдлийг огт хийгээгүй гэдгээ хариуцлагатайгаар мэдэгдье. Б.Сүндэръяагийн нийгэмд тараасан мэдээлэл нь зөвхөн УИХ-ын гишүүн хэн нэгэн гэхээсээ илүү Монгол Улсын хууль тогтоох дээд байгууллага УИХ-ын нэр хүндтэй холбоотой асуудал яригдаж байгаа учраас уг асуудлын үнэн мөнийг хуулийн байгууллагуудаар нэн яаралтай шалгуулах нь зүйтэй гэсэн байр суурьтай байна. Иймд хуулийн байгууллагад хандаж, шалгуулах арга хэмжээг авах болно” гэж мэдэгдэл гаргав.
Like
0
Зөв
0
1
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
