“Эрдэм транс” ХХК нь 2001 оноос нийтийн тээврийн үйлчилгээний салбарт үйл ажиллагаагаа явуулж эхэлсэн бөгөөд одоогоор 500 гаруй ажиллагсадтай, 300 гаруй автобустайгаар Улаанбаатар хот дотор болон улс, хот хооронд зорчигч тээврийн үйлчилгээг тогтмол явуулж байгаа салбарынхаа тэргүүлэх аж ахуйн нэг юм.
Гэтэл сүүлийн өдрүүдэд зарим хэвлэл мэдээллийн хэрэгсэл болон олон нийтийн сүлжээгээр манай компанийг улсын төсвийн мөнгөөр Солонгос улсаас хуучин автобус худалдан авч, арлын дугаарыг нь засварлан нийтийн тээвэрт явуулж байгаа гэсэн худал мэдээллийг олон нийтэд өгч, компанийн бизнесийн нэр хүнд, үйл ажиллагаанд зориудаар, зохион байгуулалттайгаар халдаж байгаад харамсаж байна.
Манай компани нь:
- Улсын төсвийн хөрөнгөөр нэг ч автобус худалдан авч байгаагүй, компанийн бизнесийн орлого болон банк, санхүүгийн байгууллагын зээлийн эх үүсвэрээр парк шинэчлэлээ тогтмол хийж ирсэн төдийгүй тендерт оролцож автобус нийлүүлж байгаагүй болно.
- Бид нэг ч автобусны арлын дугаарыг хууль зөрчин засварлаагүй. Тийм боломж ч байхгүй юм. Манай компани нь Монгол Улсын хил гаалиар бүрдүүлэлт хийж орж ирсэн, нийтийн тээврийн салбарт мөрдөгдөж буй стандарт, ашиглалтын шаардлага хангасан тээврийн хэрэгслүүдийг худалдан авч, техникийн гэрчилгээ олгогдсоны дараа ажил үйлчилгээндээ ашиглаж ирсэн.
- Нийтийн тээвэрт ашиглаж буй тээврийн хэрэгслүүдийг улирал бүр авто тээврийн үзлэг, оношилгоонд хамруулан, нийтийн тээвэрт ашиглах боломжтой гэсэн дүгнэлт гарсан тохиолдолд ажил үйлчилгээндээ ашигладаг болно.
Иймээс манай компани нь Монгол Улсын хууль тогтоомжийг зөрчсөн, гэмт хэргийн шинжтэй ямарваа нэгэн үйлдэл гаргаагүй болохыг албан ёсоор хариуцлагатайгаар мэдэгдэж байна.
Дээр дурдсан гүтгэлэг, хуурамч мэдээллийг зохион байгуулалтайгаар тарааж байгаа үйл явдлын цаана тодорхой нэр бүхий хүмүүс, албан тушаалтнуудын хувийн ашиг сонирхол, явцуу эрх ашиг байгаа гэж үзэж байна. Энэ нь Улаанбаатар хотын нийтийн тээврийн үйлчилгээнд зохих байр сууриа эзэлсэн хувийн хэвшлийг зах зээлээс шахах замаар өөрсдийн эрх ашгаа хэрэгжүүлэх, чиглэл шугамуудыг булааж авах зорилготой үйл ажиллагаа гэж бид харж байна. Шаардлагатай тохиолдолд энэ талаар зохих хууль, журмын дагуу холбогдох байгууллагуудад хандах болно.Бид хууль хяналтын байгууллагаас манай компанид явуулж буй шалгалтын ажиллагаанд хүндэтгэлтэй хандаж, холбогдох баримт, мэдээллийг цаг тухайд нь гарган өгч хамтран ажиллаж байгаа бөгөөд хууль хяналтын байгууллага үнэн мөнийг олж тогтооно гэдэгт эргэлзэхгүй байна.
“ЭРДЭМ ТРАНС” ХХК-ИЙН ЗАХИРГАА 2023.09.21
Like
4
Зөв
0
0
Буруу
0
Воов
0
Уйтгартай
0
Дуртай
Тус компанийн автобуснуудыг үйлчлүүлж байгаа ард иргэд, үзэж харж байгаа шүү.Хамгийн өнгөлөг гоё сайхан автобуснууд үйлчилгээнд явдагдаа.Бүгдэд нь ажлын өндөр амжилт хүсьe..
Элчин сайд нарыг эгүүлэн татах, томилох асуудлыг зөвшилцөх тухай саналыг УИХ дэмжлээ
© 2013-2023. Вэб сайт бүтээсэн: Tsast Solution LLC
