Энэ жил Говь-Алтай аймгийн Чандмань сумаас хоёр “Улсын аварга малчин” тодорч байна. Өнгөрсөн амралтын өдөр ЗГХЭГ-ын дарга Д.Амарбаясгалан 25 жил мал маллаж буй тус сумын Эрдэнэ-Уул багийн малчин Ц.Өрнөхбуян болон түүний гэр бүлд “Улсын аварга малчин” шагналыг нь гардууллаа.
Улсын аварга малчин Ц.Өрнөхбуян нь мал сүргээ 5 төрлөөр нь өсгөн бойжуулахын зэрэгцээ тэмээн сүргийг үржүүлэхэд илүүтэй анхаарч байгаа удам дагасан малчин. Бэлчээрийн мал аж ахуй голлож буй манай улсын нийт малчдын хувьд ус гэдэг зүйл бол хамгийн үнэ цэнэтэй байдаг. Аварга малчин Ц.Өрнөхбуян нь хашаа хороо, худагт ус цэгийг сэргээх ажлыг тогтмол хийж иржээ. 25 жил мал маллаж, мал сүргийн тоо, чанарт онцгой анхаарч ажилласан түүний хөдөлмөрийг үнэлэн “Улсын аварга малчин” цол тэмдэгээр шагнасаныг ЗГХЭГ-ын дарга Д.Амарбаясгалан гардуулсан юм.
Улсын аварга малчин Ц.Өрнөхбуян нь 2010 онд Чандмань сумын “Сайн малчин”, 2016 онд Говь-Алтай аймгийн “Аймгийн аварга малчин” болж байсан юм.
.jpg)
Тэдний нэг бол тус аймгийн Эрдэнэ сумын Өлзийт багийн малчин Ц.Батболд юм. ЗГХЭГ-ын дарга Д.Амарбаясгалан удам дагасан малчин Ц.Батболдын хотонд зочилж нь мал малласан 30 жилийн хөдөлмөрийг үнэлэн олгосон “Улсын аварга малчин” цол, шагналгыг нь гардууллаа. Дашрамд дурдахад шинэ аварга малчин Ц.Батболдын гэргий Б.Хэрлэнгийн аав 1992 онд “Улсын аварга малчин” цолыг яг энэ гэрийн буурь, энэ хотонд хүртэж байсан юм байна.
2022 онд Монгол Улсын мал сүргийн тоо толгой 71.1 саяд хүрч байжээ. Малчид бэлчээрийн даац, цаг уурын хүндрэлийг тооцон малын тоонд бус чанарт анхаарч ажиллаж эхэлсэн бөгөөд 2023 онд 64.6 сая мал сүрэг тоологдсон байна. Өнгөрсөн 2023 оны байдлаар Монгол Улс 473.853 тэмээ, 4.8 сая адуу, 5.3 сая үхэр, 24.6 сая ямаа, 29.4 сая хонин сүрэгтэй байна.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
