Ерөнхий сайд толгой дохин сонссон ч хэрэгжүүлэх нь хамгийн чухал

Нийгэм

0
1575

Ерөнхий сайд толгой дохин сонссон ч хэрэгжүүлэх нь хамгийн чухал

Төр.мн I Сэтгүүлч

2022-04-08

Төв талбайд 5 дахь өдөр хүртлээ үргэлжилж байгаа ТАЙВАН жагсаалд ирсэн залуус өнөөдөр буюу 2022 оны 04-р сарын 08-ны өдрийн байдлаар өмнөх өдрөөсөө ихэссэн байлаа.

Тодруулбал, өмнөх өдөр буюу 04 сарын 07-ны өдөр талбай дээр цугларсан залуус “Ажлаа сайн хий” гэдэг шаардлагыг тавьж, ордныг нар зөв алхан тойрч байсан. Гэтэл үдэш болоход ажлын цагууд дуусмагц жагсагчид ихэссэн. Үүнтэй холбогдуулан цэрэг цагдаагийн байгууллага хүч хэрэглэн хүний биед ноцтой халдсан хэрэг гарсан юм. Уг үйлдлийг Цагдаагийн байгууллагаас тайлбарлахдаа “Тухайн хүмүүс Цагдаагийн шаардлагыг биелүүлээгүй учир баривчилсан" гэх мэдээллийг өгсөн юм. Гэтэл гэрч болох залуус угтаа ЗҮГЭЭР явж байсан хүнд гар хүрч, халдсаныг олон нийтийн сүлжээнд тавьснаар иргэд өнөөдөр улам олуулаа болж жагссан юм.

Тэдний шаардлага ердөө иргэн бүрд байх ёстой, эдлэх ёстой зүйлсийг шаардсан. Ерөнхий сайд Л.Оюун-Эрдэнийг гарч иртэл иргэд улам л ихсэн жагсаалаа үргэлжүүлэхээр шийдсэн. Төд удалгүй Ерөнхий сайд Л.Оюун-Эрдэнэ хэд хэдэн залуусын хамт олны өмнө гарч ирлээ. Өөрөө ч мөн цагтаа тэмцэж явсан хүний хувьд залуусын тэмцлийн учрыг ойлгож байгаа мэт ярьсан ч энэ нь үнэн хэрэгтэй иргэдэд төдийлөн наалдахгүй байгаа нь илт байлаа.

Ард иргэдийн төлөөлөл болсон залуучууд саналаа хэлж, шаардлага тавьсанг ерөнхий сайд толгой дохин сонссон ч хэрэгжүүлэх нь хамгийн чухал юм Тиймээс иргэдийн зүгээс уг жагсаалтай холбоотой санал шүүмж, шаардлагыг хийж хэрэгжүүлэх ажлын хэсэг гаргаж, ажлын хэсэгт иргэдийн төлөөлөл орохыг хүссэн юм. Үүнийг ч ерөнхий сайд хүлээн зөвшөөрч өнөөдрийн дотор Засгийн газрын ээлжит бус хуралдаан зарлаж уг асуудалтай холбоотой зүйлсийг тусган хэлэлцэхээр болсон.

Ерөнхийлөгч зарлиг гаргаж, УИХ-ын Анхдугаар чуулганыг өнөөдөр хуралдуулахаар зарлалаа

Сайны хажуугаар саар гэгчээр өнөөх жагсаал цуглаан зохион байгуулдаг ПОПОРДОГ залуус тэнд сууж байлаа. Тэднийг талбайгаас явуулах залуусын дуу хоолой улам чангарч байлаа. Улс төржүүлэх хүсэлтэй иргэд залуусын тэмцлийг мохоохоор цугларч байгаа нь жагсагчдад тун муухай санагдсан нь лавтай.

Үргэлжлэл бий

Нийт сэтгэгдэл 0

! Анхаар! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд tur.mn сайт хариуцлага хүлээхгүй.