Дундговь аймаг нь Засаг захиргааны хувьд 15 сум, 68 багтай, 7469,0 мянган га нутаг дэвсгэртэй, газар нутгийн хэмжээгээр Монгол улсын нутаг дэвсгэрийн дангаараа 4,5%-ийг эзэлж байна.
2022 онд аймгуудыг эдийн засгийн тамир тэнхээ, дэд бүтэц, бизнесийн үр ашиг, засаглал зэрэг дөрвөн багц асуудлаар 180 орчим үзүүлэлтээр дүгнэсэн. Тэгвэл уг судалгаагаар Дундговь аймаг сүүл мушгисан хэвээр байв. Хэвээрээ байна гэдэг нь мөн л 2015 онд хийгдсэн судалгаагаар Монгол улсын 21 аймгаас Дундговь аймаг хамгийн сүүлд жагсаж байсан. Ийм байдлаар 7 жилийн дараа юу ч өөрлөгдөөгүй энэ байрандаа байгаа нь харамсалтай бөгөөд хачирхалтай. Гол нь аймгийн удирдлагуудаа чадваргүй дарга, сэтгэлгүй "цэрэг"-үүдээр дүүргэсний гор энэ бололтой.
Бас болоогүй "Муу эр дайнд хөөрнө" гэгчээр тус аймгийн удирдлагууд хөгжилдөө анхаардаггүй атлаа баяр ёслол, найр наадам гэхээр улсын төсвийн мөнгийг "үрэн таран" хийдэг. Уугуул, суугуул иргэд, нутгийн хөгжлийн төлөө гэхээр мөнгөгүй гэх шалтгаанаар хойш суудаг дарга нарын нэг нь Дундговь аймгийн засаг дарга У.Мөнхбат.
Тэрбээр наадмын баярыг угтаж Улсын төсвөөс 50 сая төгрөг батлуулаад авч.
Дундговь аймгийн Орон нутгийн өмчийн газар нь наадмын төв цэнгэлдэхээ засаж шинэчлэх ажилдаа оржээ. Тодруулбал, 2022 оны 06-р сарын 8-ны өдөр цэнгэлдэх хүрээлэнгийн өргөтгөл Шагайн харвааны асарыг 50 сая төгрөгөөр засах тендер зарлажээ. Уг тендерийг 2022 оны 06 -р сарын 15 -ны өдрийн 11 цаг 00 минутад хүлээн авахаар тооцоолсон байна.
.png)
Ц.Мөнхбат засаг аа! Жилээс жилд орон нутгийн хөдөлмөр эрхлэлт, бизнес эрхлэлтийг дэмжих, аливаа асуудалд намын "эрх ашиг"-ийг хэт өндөрт тавьдаг аймгийг толгойлж яваагийн хувьд танд уламжилахад "Намчирхалаа" арилгаж хөгжилдөө анхаарч ажиллахгүй бол Дундговь аймгийг тоож очих боловсон хүчин, итгэж очих иргэдгүй болох нь ээ.
Сэтгэлгүй хурган дарга нараа халах, нэг бол өөрөө зайгаа тавьж өгөхгүй бол дараа жил дахин хөгжилгүй аймгаараа дуудуулаад зогсоход ойрхон байна. Та эдийн засгийн хямралтай үед өнөөдөр 50 сая төгрөгөөр нэг удаа ашиглагдах цэнгэлдэхийн асарыг шинэчилсэн нь дээр үү, нэлээд хэдэн хүний бизнест дэм болсон нь дээр үү? Бодох л асуудал.. ЗАСАГ ДАРГА АА
Төр.мн
Like
0
Зөв
0
1
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
