Samsung компанийн шинэ бүтээгдэхүүн зарлах “GALAXY UNPACKED” арга хэмжээ “Гайхамшигт шөнө айсуй” гэсэн уриан дор Улаанбаатар хотын цагаар 2023 оны 2-р сарын 2-ны шөнө болж өнгөрлөө.
Технологийн хөгжил дэвшлийг сонирхогч хэн бүхний анхаарлыг татах энэ гайхалтай арга хэмжээгээр гар утас сонирхогчдын хэдийнээ хүлээлт үүсгээд байсан Galaxy S цувралын дараагийн загвар болох S23 гар утаснууд болон Galaxy Book 3 Ultra, Pro зөөврийн компьютерыг танилцууллаа.
Энэхүү арга хэмжээ нь цар тахлын араас хамгийн анхны амьд үзэгчтэй болж байгаагаараа онцлогтой мөн тус арга хэмжээнд ашиглагдсан бүх бичлэгийг Samsung Galaxy S23 Ultra загварын гар утсаар бичсэнээрээ онцгой байлаа.
Samsung Galaxy S23 Ultra
Нээлтийн хамгийн хүлээлттэй байсан Samsung Galaxy S23 гар утас танилцуулагдлаа. Samsung -ийн хамгийн хүчирхэг технологийг өөртөө шингээн бүтээгддэг уг загвар энэ удаад дизайн нь өмнөх загвартайгаа ижилхэн боловч үзүүлэлт болон камерын хувьд технологийг дэвшилтүүдийг шингээсэн байна. Galaxy S23 Ultra нь Samsung-н ухаалаг утасны хамгийн хүчирхэг камер болох 200MP чадалтайгаас гадна 4K Super HDR чадвараар бичлэг хийх боломжтой хамгийн анхны ухаалаг гар утас болсон байна. Мэргэжлийн камерын хүчин чадлыг илүү хялбархнаар ашиглах боломжийг олгож байгаагаараа онцлогтой юм.
Galaxy S23 гар утас нь дан ганц камераас гадна Snapdragon 8 GEN 2 чипээр тоноглогдсон нь Galaxy S22 загвараас 34% илүү хурдан ажиллах боломжийг бий болгосон байна. Харин дэлгэцийн хувьд өмнөх загвартай адилхан 6.8 инчийн Dynamic AMOLED 2x дэлгэцтэй бөгөөд батарейн хувьд 5000mAh багтаамжтай, 45W Super Charge буюу 30 минутад утсыг 65% хүртэл цэнэглэх боломжтой.
Samsung Galaxy S23, S23 Plus
Galaxy S23 загварын гар утас нь 6.1 инч харин Galaxy S23 Plus загвар нь 6.6 инчийн дэлгэцтэй. 50MP хүчин чадал бүхий Galaxy S23, болон S23 Plus загвар нь камерын хүчин чадлыг дараагийн түвшинд гаргасан бөгөөд Nightography буюу харанхуйд зураг авах чадал нь өмнөх загвартай хариуцуулахад 31% илүү сайжирчээ. Мөн 8 цөмтэй CPU ээр тоноглогдож өмнөх загвартай хариуцуулахад илүү их хүчин чадлыг илүү бага эрчим хүч зарцуулалттайгаар ашиглах боломжтой болсон. Galaxy S23 загвар нь 3900mAh, S23 Plus загвар нь 4700mAh багтаамжтай бөгөөд 45W болон 25W буюу маш хурдан цэнэглэх боломжтой. Galaxy S23 загварын утаснууд технологийн инновац болон байгальд ээлтэй байдлыг нэг доор авчирсан бөгөөд S22 ultra утастай харьцуулахад 2 дахин их дахивар материал ашигласнаараа онцлогтой байлаа.
Like
2
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
