Энэ жил Ардын хувьсгалын 100 жилийн ой тохиож байна. Энэхүү түүхэн жилийг тохиолдуулан нийслэл болон 21 аймаг, сум, дүүрэгт олон бүтээн байгуулалт хийгдэх төлөв гарсан.
Монголбанкнаас Ардын хувьсгалын 100 жилийн ойд зориулан гүйлгээнд хэрэглэж болох дурсгалын 10,000 төгрөгийн мөнгөн дэвсгэртийг зах зээлд гаргаад байна. Уг мөнгөн дэвсгэрт нь олон тоогоор хийгдсэн байгаа бөгөөд тус мөнгийг хийлгэх гэж улсын төсвөөс тодорхой хувийг зарцуулсан байна.
Ардын хувьсгалын 100 жилийн ойн дээр үйлдвэрлэгдэн хэрэглээнд гарсан 10,000 төгрөг нь хамгийн сүүлд хэвлэгдэн гарсан мөнгөн дэвсгэртээс хэд хэдэн зүйлээр ялгарч байна. Тодруулбал, Дэвсгэртийн нүүрэн талд байрлуулсан Ардын хувьсгалын 100 жилийн ойн лого болон баруун, доод хэсэг дэх морьтон баатар нь 3D хэмжээст, өнгө нь хувирч солонгорох боломжийг тусгаж өгсөн байна. Мөн баруун, зүүн ирмэгт харааны бэрхшээлтэй иргэдэд зориулсан 7 ширхэг ташуу зураасан товгор таних тэмдэглэгээ хийгдсэн байна
Дэвсгэртийн ар талд Д.Сүхбаатар жанжины хөрөг болон Ардын хувьсгалыг тунхаглан зарлах үедээ ард олонд хандаж хэлсэн алдарт үгийг оруулж, “Ардын хувьсгал 100 жил” гэсэн бичвэр бүхий тасалдаж харагдах металл утсыг байрлуулсан. Мөн дэвсгэртэд хэт ягаан туяаны гэрэлд тодорч харагдах Соёмбыг нүүрэн талд, Монгол Улсын газрын зургийг ар талын зүүн дээд хэсэгт тус тус байрлууллаа.
Like
1
Зөв
0
0
Буруу
0
Воов
1
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
