Монгол Улсын Хөдөлмөрийн баатрууд эхнээсээ “ТАР”-аа таниулаад эхэлж байна. Нэг нь хулгайч, авлигач ХӨДӨЛМӨРИЙН БААТАР бол нөгөөх нь бусдыг дайрч алах гэж завддаг “ХӨДӨЛМӨРИЙН БААТАР”-тай.
"Гацуурт"-ын Л.Чинбат морьтой, мотоциклтой иргэдийг "Land cruiser" маркын автомашинаар дайрахаар хөөж, давшиж буй бичлэг цахим орчинд гарч, олон нийтийн дургүйцлийг хүргээд буй.
Учир шалтгаан юунд байсан ч Хөдөлмөрийн баатар, “Гацуурт”-ын Л.Чинбат мотоциклтой иргэнийг мөргөж, морьтой иргэдийг элдэн хөөсөн нь үнэн.
Цагдаагийн байгууллагад "2023 оны зургадугаар сарын 15-ны 13:20 цагт "Гарал үүслийн бичиггүй адуу оруулах гээд байна. Оруулахгүй гэхэд манай ажилчдыг "ДАЙРНА" гээд хөөгөөд байна" гэх дуудлага, мэдээлэл ирсэн байна. Энэ дагуу Сэлэнгэ аймгийн Зүүнбүрэн сумын 2 дугаар баг руу аймгийн төвөөс Цагдаагийн бүрэлдэхүүн ажиллахаар явж, хойшлуулашгүй ажиллагаа явагдаж байгаа аж.
Харин Баатар маань "Манай адууг туугаад явж байгаа малын хулгайчидтай тэмцэж байна. Цаашид ч тэмцэнэ. Малын хулгай хэрээс хэтэрлээ" хэмээн өөрийн цахим хуудаснаа яаран сандран тайлбар бичсэн нь "Ичсэн хүн хүн ална" гэгч болов. Малын хулгайч ил цагаан өдрөөр хулгай хийнэ ч гэж юу байхав? Хийсэн байтлаа өөрсдөө цагдаа дуудна гэж ч юу байхав Л.Чинбат аа!!!
Мөнгөтэй, хөрөнгөтэй хүнд морь унасан хэдэн малчид, иргэдийн амь юу ч биш бололтой. Хэдэн адсаганаас болж хүн алах нь ээ Л.Чинбат аа?
Ийм “алуурчин” хүнд ХӨДӨЛМӨРИЙН БААТАР цол хэт ахаджээ. Соёлын сайд Ч.Номингийн аав Л.Чинбат баатар цолоо хураалгаж, эрүүгийн хэрэг сонсож мэдэх нь...
Харин мөнгөөр, эсхүл сайдын аавын нэрээр “ХЭРГЭЭС МУЛТАРЧИХГҮЙ” бол түүнд хариуцлага хүлээлгэх учиртай.
.jpg)
Түүний унаж явсан автомашины улсын дугаар 15-59 УБЦ. Тэгвэл улсын дугаараар нь тээврийн хэрэгслийн мэдээллийг шүүж үзэхэд, эзэмшигч нь Ч.Н буюу Соёлын сайд Ч.Номин байж мэдэхээр байна. Түүнчлэн, тээврийн хэрэгсэл нь 2023 оны татвар болох 190.713 төгрөг, замын хөдөлгөөний дүрэм зөрчсөн 110.000 төгрөгийн торгуулийн "ӨР"-тэй байгаа юм.
Машиныхаа торгууль, татварыг ч төлж чаддаггүй ТЭРБУМТАН бизнесмэн байх гэж...
Төр.мн
Like
0
Зөв
1
2
Буруу
0
Воов
0
Уйтгартай
1
Дуртай
Засгийн газрын ээлжит бус хуралдаан болж байна.
© 2013-2023. Вэб сайт бүтээсэн: Tsast Solution LLC
