“Бохь” Н.Амарзаяа Гашуунсухайтыг “САМАРЧ” эхлэв үү?

Дуулиан

4
4227

“Бохь” Н.Амарзаяа Гашуунсухайтыг “САМАРЧ” эхлэв үү?

Админ I Төр.мн

2021-08-20

“Нэг удаагийн настай” гэдэгчлэн нэг л удаа нэр дэвшиж гишүүн болсон, цаашид “ШААНС” байхгүй хүмүүс энэ тэнд захирагч, даргаар томилогдоод эхэллээ.
2016-2020 оны парламентад БОХЬ-АМАРЗАЯА хэмээн “АЛДАРШСАН” УИХ-ын гишүүн асан Н.Амарзаяа Гашуунсухайтын хилийн боомтын бүрэн эрхт захиргааны дэд даргаар томилогдсон байна. Гишүүн байхдаа байнгын хорооны хуралдаанд бохь зажилан хэлэлцэж буй асуудлыг ойлгож сонсох сөхөөгүй байсан тэрээр сонгогчоо зад загнадаг “АТАМАН” нэгэн.

“Гуйж сонгогдоогүй шүү, давраад байгаарай” гэж сонгогчиддоо томордог тэрээр 2020 онд Өмнөговь аймагтаа нэр дэвшиж чадаагүй. Учир нь түүнд “ШААНС” чадвар байсангүй. Өмнөговийн сонгогчидтойгоо уулзах нүүр байгаагүй аж.

Харин тэрээр саяхан Гашуунсухайтын бүрэн эрхт захиргааны дэд даргаар очсон бөгөөд томилогдсон даруйдаа Гашуунсухайтад “ТОМРООД” хэлсэн сурагтай. Хилээр гарах нэг машиныг 5 сая төгрөгөөр бүртгүүлэх, элдэв хэл ам гаргасан жолооч нарын С зөвшөөрлийг цуцлах гээд дарамт тэнд бий болсныг тээврийн жолооч нар илэрхийлж байна.

Түүнчлэн хатагтай Н.Амарзаяагийн тээврийн автомашин тэнд явдаг бөгөөд ашиг сонирхолын зөрчилтэйг ч хэлж байна.

Монгол улсын эдийн засаг, түрүүвч ГАШУУНСУХАЙТАД бий. Гэтэл дэд дарга Н.Амарзаяа нь тэнд авлигал цэцэглүүлж, сүлжээ бий болгох эрсдлийг үүсгээд буй гэнэ.

Их хуралд суухдаа БОХЬ зажилж танигдсан тэрээр бас ЖДҮ-чин гэж байгаа. ЖДҮ-гээс 200 сая төгрөгийн зээл авсан түүний “Хатан хармаг” компани нь хармаг жимсээр төрөл бүрийн цай, жимсний өтгөрүүлсэн жүүс зэрэг бүтээгдэхүүн үйлдвэрлэдэг. Мөн “Ханын энгэр” хоршоондоо 132 сая төгрөгийн зээл авсан тухай баримт хэвлэлийн хуудасны бичигдэн үлджээ.

Төсөөлөөгүй байтал гишүүн болсон гэж яригддаг Н.Амарзаяагийн хөрөнгө гишүүн болсны дараа “СУГА” өссөн байдаг.

Тухайлбал, АТГ-т мэдүүлснээр 2016 онд өөрийн орлого нь 20 сая төгрөг, гэр бүлийн орлого 7.8 сая гэсэн бол 2018 онд 110.6 сая төгрөг, гэр бүлийн орлого нь 8.5 сая төгрөг болж өссөн байдаг.

Улс төрчийн хувьд бага түүхтэй, удирдах албаны туршлага муу тэрээр Гашуунсухайтын хилийн боомтын бүрэн эрхт захиргааг удирдаж чадах уу?

Төр.мн

Нийт сэтгэгдэл 4

! Анхаар! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд tur.mn сайт хариуцлага хүлээхгүй.

holooch - 4 жил өмнө

хариулах

shalguulah herrtei.

naran - 4 жил өмнө

хариулах

jolooch naraa ajilin hiiggeechee ajilgvi mas hvnd bna svv.

иргэн - 4 жил өмнө

хариулах

АТГ энэ хүнийг яаралтай шалгаж өгнө үү. Одоо нэг жолоочоос 5 сая төгрөг авч байж хилээр гарах машинд бүртгүүлж байна. Шударга ёс алга заавал өгөх шаардлага гарч байна. Төр ийм хүмүүсээ цэгцэлмээр байна.