ЖДҮ-чин О.Батнасан Төмөр замыг самрах уу?

Дуулиан

0
1717

ЖДҮ-чин О.Батнасан Төмөр замыг самрах уу?

Админ I Төр.мн

2021-08-30

Эрх мэдлээ урвуулан ашигласан ЖДҮ-чин гишүүд эхнээсээ албан тушаалд томилогдоод эхэллээ. 2020 оны сонгуулиар нэр дэвшсэн ч төрд гарч чадаагүй О.Батнасан "Монголын төмөр зам” төрийн өмчит хувьцаат компанийн гүйцэтгэх захирлаар томилогдов. Тус шийдвэрийг компанийн Төлөөлөн удирдах зөвлөл гаргажээ. Төмөр замын талаар мэдлэг дутмаг тэрээр Монгол улсын гавъяат тээвэрчин Р.Батсүхийн ажлыг ийнхүү авлаа. Төмөр замын хувь заяа “Чихрийн” гэх тодотголтой мэргэжлийн бус хүний гарт очсон дээр халаглах хүмүүс цөөнгүй байна.

Гишүүн байхдаа мэдээлэлтэй ойр байдгийн хувьд өөрийн хамаарал бүхий “ТОПКОНДИТЕР” компаниараа дамжуулан ЖДҮ-ийн сангаас 950 сая төгрөгийг авсан нь ил болж, дараагийн сонгуульд оролцож чадаагүй юм.

Түүний хувьд ажлаа аваад эхний тушаал нь Монгол улсын гавъяат тээвэрчин Р.Рашийг ажлаас нь чөлөөлөх тушаал байв. Юуны учир мэргэжлийн хүнийг чөлөөлж, төмөр замын талаар ямар ч мэдлэггүй н.Бадамцэцэг гэдэг эмэгтэйг томилов. Энэ мэтчилэн ажлаа авангуутаа мэргэжлийн хэдэн хүмүүсээр "ТУГ ТАХИЧИХ" юм биш биз.

О.Батнасан нь 1971 онд Ховд аймгийн Булган суманд төрсөн.

БОЛОВСРОЛ: 1980-1988 онд Ховд аймгийн Булган сумын 10 жилийн дунд сургууль, 1988-2004 онд Архангай аймаг дахь Багшийн коллежийг багш мэргэжлээр бакалавр, 2013-2015 онд Чингис хаан дээд сургуулийг түүхийн ухааны магистр, 2014-2016 онд МУИС-ийг Эрх зүйч мэргэжлээр бакалавр зэрэгтэйгээр тус тус суралцаж төгссөн.
АЖЛЫН ТУРШЛАГА: 1992-1994 онд Нийслэлийн 82 дугаар дунд сургуульд багш, Замын цагдаагийн газарт сургагч багш, 2001-2016 онд “Кондитер-Улаанбаатар” ХХК-ийн ерөнхий захирал, 2016-2020 онд Ховд аймгаас сонгогдон УИХ-ын гишүүнээр сонгогдон ажилласан нэгэн.

Түүний хөрөнгө орлогын хувьд 2015, 2016 оны ХОМ-д гаргасан тайландаа жилийн 130 сая төгрөгийн орлоготой гэдгээ дурдаж байв. Харин 2017, 2018 онуудад гэнэт орлого нь эрс буурч жилийн 20 гаруйхан сая төгрөгийн орлоготой гэжээ. Өнгөрөгч 2018 онд л гэхэд 22 сая төгрөгийн орлоготой хэмээн мэдүүлсэн. Үүнээс гадна 740 сая төгрөгөөр үнэлэгдэх хоёр орон сууцтай, 89 сая төгрөгийн үнэлгээтэй хоёр машин, 80 сая төгрөгийн мал, 70 сая төгрөгийн газар, 85 сая төгрөгийн үнэлгээ бүхий үнэт эдлэлтэй гэдгээ ХОМ-тээ бүртгүүлжээ.

Жинхэнэ ЖДҮ-чдийн 950 сая төгрөгийн боломжийг "Хулгайлсан" О.Батнасанг юуны тулд "Монголын төмөр зам"-аар шагнав. УИХ-ын гишүүний ажлаа ч хийж чадаагүй түүнд Монголын төмөр зам хэмээн их айл дэндүү "ТОМДЖЭЭ".

Хар бараан түүхтэй ийм хүнээр Төмөр замаа удирдуулчаад Ерөнхий сайд юу бодож суудаг бол?

Төр.мн

Нийт сэтгэгдэл 0

! Анхаар! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд tur.mn сайт хариуцлага хүлээхгүй.