Маргааш намууд нөхөн сонгуульд нэр дэвшигчээ тодруулна. Нөхөн сонгуулиар “АЗ” таарч гишүүн болчих гэсэн амбицтай эрхмүүд нэрээ дэвшүүлсээр. Сонгинохайрхан дүүрэгт цэнхэр талаас Ерөнхийлөгч асан Х.Баттулга нэр дэвших таамаг цахим орчноо гарч эхэлсэн ч ерөнхий сайдын зөвлөх хийхээр боллоо. Мэдээж ерөнхийлөгчөөс нөхөн сонгууль руу “УНАХ” нь юу л бол. Магадгүй энэ нь цахим хэрэглэгчдийг тандах нэг хэлбэр байсан байж мэдэх. Харин өчигдөр Э.Бат-Үүл цэнхэр талаас үзэхээр яригдаж эхэллээ. Тэгвэл 2020 оны сонгуульд тэр чигтэй “УЛААРСАН” сонгинод Монгол ардын намаас хэд хэдэн хүний нэр дуулдах боллоо.
Ялалт байгуулсан Н.Учрал, Д.Сумъяабазар, П.Анужин нарын араас хамгийн өндөр санал авсан Э.Батшугарын нэр нэгдүгээрт яригдаж эхэллээ. МАН-МАХН хоёр нэгдсэн учир түүнийг Сонгино руу явуулж ч мэдэх.
Мөн намаасаа хөөгдөөд, намын “ӨРШӨӨЛД” хамрагдсан С.Мөнхчулуун сонгуульд үзэх тун сонирхолтой байгаа нэгэн. Гэхдээ тэрээр хамгийн “НАЙДВАРГҮЙ” нэр дэвшигч. Ингэж хэлэхийн учир 2020 оны сонгуульд НИТХ-ын төлөөлөгч байхдаа бие даан нэр дэвшсэн ч сонгогч иргэдийн 14 хувийн л саналыг авсан. Өөрөөр хэлбэл Сонгиночууд түүнийг мэддэггүй, таньдаггүй, дэмждэггүй гэсэн дүгнэлт хийхээр байна. Огт танигдаагүй гэх Г.Очирбат, М.Тулга нартай л ижил санал авсан нь энэ.
Гэтэл тэрээр чухам Сонгиноны хүлээлт мэтээр ПИАР-даж намаасаа дэмжлэг авахаар оролдож эхэлжээ. Хотын даргад нэрээ дэвшүүлээд бараагүй, эцэстээ намаасаа хөөгдөж, бие даан нэр дэвшээд ч бараагүй тэрээр нөхөн сонгуулийг “БАРАХ УУ?”
Сөрөг хүчин Ардчилсан нам Сонгинохайрхан нөхөн сонгуульд хамгийн “ШААНС”-тай нэгнээ илгээнэ. Учир нь нөхөн сонгуулиар нэг суудал авах нь тэдэнд хамгийн чухал. Мэдээж МАН нэг суудлаа алдахыг хүсэхгүй. Тиймээс хамгийн найдвартай суудал авах хүнээ “СОНГИНО”-руу явуулах нь мэдээж юм.
Төр.мн
Б.БАДАРЧ
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
