Хэсэг байж байгаад л үг, үйлдэл бүрээрээ шүүмжлэлд өртдөг УИХ-ын гишүүн М.Оюунчимэг өвлийн тэсгэм хүйтэн, цастайд пальтотой явж голын усны халиа тошин, үер усны аюултай бүс, тэнд амьдардаг иргэдийн нөхцөл байдалтай танилцжээ.
Гишүүд даардаггүй юм уу? эсвэл зүгээр зураг авхуулчхаад л буцаад машиндаа суусан уу ямартаа ч чийрэг эмэгтэй бололтой.
Төрийн ажил явагдаж, наана нь нэг нь асуудал яриад сууж байхад боов, боорцог идээд сууж байснаар түүний улс төр эхэлсэн байдаг. LV брэндийн үнэтэй хүзүүний алчуур зүүж жагсаж явсан гишүүн маань найзынхаа ороолтыг гуйж гангарчээ гээд түүний талаар мэдээлэл арвин.
Тэгвэл нөгөө улс төрчдийн хийдэг увайгүй үйлдлийг эрхэм гишүүн хийсэн ч байдаг.
Төрийн албыг төрлийн алба болгоно гэдгийг ёстой жинхэнэ утгаар нь М.Оюунчимэг хатагтай үзүүлсэн нь цахим орчинд олон баримттай нийтлэгджээ. Кондуктороор ажиллаж байсан гэх М.Оюунчимэг гишүүний төрсөн эгч М.Цэцгээ Чингэлтэй дүүргийн ХГЗХХ-ийн даргаар томилогдож, тухайн үед “Эрдэнэс Таван толгой” ХК-д Тээвэр ложестикийн хэлтсийн даргаар төрсөн эгчийнхээ хүүхэд н.Эрхэмзаяаг “чихсэн”, АТҮТ-д хэлтсийн дарга, Замын-Үүдийн гаальд ахлах байцаагч, Монголбанканд Хянан шалгагч, ЭМДЕГ-т газрын дарга гэх мэтээр ах дүү хамаасан садан нь төрд шургажээ.
Нүүрсний сонсголоор нүүрсний хулгайн хэрэгт холбогдогч, гэрчүүдийн нөлөөнд автаж Хууль зүй, дотоод хэргийн сайд Б.Энхбаярт загнуулж байгаа харагдсан.
Утаа зайсанд хүртэл үнэртээд эхэллээ шүү дээ ч гэж хэлж амьдралаас хол тасарснаа нотолсон эрхэм гишүүн хоёр ч удаа их хурлын гишүүн хийлээ, байнгын хорооны дарга ч болж үзлээ, одоо САЙД болно хэмээн нэг хэсэг үзээд үзээд бараагүй ээ.
Тэгвэл эрхэм гишүүний улс төр энэ удаагийн парламентаар дуусаж байгаа бололтой. Учир нь нам нь ч нэргүй, өөрөө ч тойрогтоо хүндгүй, Т.Аюурсайхан, Ж.Сүхбаатар зэрэг хамтрагч нар нь бүгд хэрэгт холбогдсон.
Нам нь нэрээ бодож тус тойрогт залуучуудыг нэр дэвшүүлэхээр зэхэж буй сурагтай аж. Харин УИХ-ын гишүүн М.Оюунчимэг найдвартай гэж жагсаалт руу орох уу, аль эсхүл тал тал руу гүйж, тал засаж байгаад тойрогт нэр дэвших мандатаа авах уу гэдэг сонголттой нүүр тулжээ.
Эх сурвалжийн мэдээлж буйгаар тэрбээр тийм ч амархан тойргоосоо мултрахгүй гээд "ГҮРИЙЖ" байгаа ч сураг бий.
МАН энэ удаагийн сонгуульд өөрчлөлт хийж, залуучуудад боломж олгохгүй л бол олонх суудал авч чадахгүй нь ойлгомжтой. Тийм ч учраас “гуя дагаж хүзүү” гэдэг шиг нэргүй, хүндгүй, нүүргүй гишүүдээс татгалзаж буй бололтой.
Төр.мн
Like
1
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
