Улсын их хуралд хамгийн олон жил “суусан” эрхмүүдийн нэг нь “АВАРГА” Б.Бат-Эрдэнэ. Бөхөөс Улс төрд орсон тэрбээр 20 жил тасралтгүй их хурлын гишүүнээр сонгогдон ажиллаж буй бөгөөд Олимп, нийтийн биеийн тамир, спортын сайдаар томилогдон ажиллаж байна.
Дэлхий дээр олимпын сайд гэж бараг үгүй ээ. Харин манайд бол шинээр “гаргаад” л тавьчихна.
Тэгвэл “Спортын сайд”-аар ажиллаж байгаа Б.Бат-Эрдэнэ дахин их хуралд суухаар “санаархаж” буй бөгөөд нэр дэвших хүсэлтээ намдаа ч өгөөд буй. Тэгвэл түүнийг “шахалтад” орсон, олны хэлдгээр ”бөлдөгдүүлсэн” гэх ч шуугиан бий. Энэ асуудлаар УИХ-ын гишүүн, Олимп, нийтийн биеийн тамир, спортын сайд Б.Бат-Эрдэнээс байр суурийг нь асуулаа.
Б.Бат-Эрдэнэ: Намайг нэг хэсэг нь дарамт шахалтад орсон гэдэг, нэг хэсэг нь даргын үүд сахиад гуйж гувшаад гэдэг. Надад тийм зүйл ерөөсөө байхгүй. Би өргөн олны асар их дэмжлэгтэй хүн. Тэр тусмаа Хэнтий аймаг, зүүн цэцэн хаан аймаг, Дорнод, Сүхбаатар аймагт бол өндөр. Нэг жишээ хэлэхэд 2013 онд Ерөнхийлөгчийн сонгуулийн санал хураалтаар улсын хэмжээнд хамгийн өндөр үзүүлэлтийг Хэнтий, Дорнод, Сүхбаатар зэрэг зүүн цэцэн хан аймгаас авсан байдаг. Би энэ хугацаанд улс төрч, хувь хүний хувьд ёсзүй, сахилга хариуцлага баримтлах зарчимд тууштай байсан.
Би ямар нэгэн авлига , ашиг сонирхол, аливаа хувийн сонирхолтой юманд огт оролцож байгаагүй.
Би Улсын их хурал, хууль тогтоох дээд байгууллага, Засгийн газрын үйл ажиллагаанд өөрт оногдсон, өмнөө дэвшүүлсэн зорилгоо хэрэгжүүлэхийн төлөө хамт олонтойгоо зүтгэж, чармайж ажилласан. Би 20 жил их хуралд суухдаа хуралд хоцорч байгаагүй, хүний кнопонд хүрч байгаагүй. Хүний картыг авч хийж байгаагүй. Би 2024 оны сонгуульд дахин нэр дэвших хүсэлтээ намдаа гаргасан гэв.
Төр.мн
Б.Шүрэнцэцэг
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
