Банк, санхүүгийн байгууллагад ажиллаж байгаад “МУНДАГ”-ийн дүрээр “ШАРК”-т орж, хөрөнгө оруулагч дүрд хувираад шууд л УЛС ТӨР руу ордог жишиг тогтлоо.
Нэг ёсондоо “ШАРК” нэвтрүүлэг “танигдаагүй” хэн нэгнийг “ОД” болгож, улс төр руу хөтөлдөг гүүр болж. Түүний нэг жишээ нь одоогийн УИХ-ын гишүүн Г.Амартүвшин.
Тэгвэл яг л түүний араас явж байгаа нэг нь Голомтын Д.Бадрал. Эртнээс улс төрд орох гээд бэлдэж байсан тэрбээр улс төрийн дамжааны “ШАРК” нэвтрүүлэгт ороод одоо улс төрд орохоор ГОЛОМТ банкнаас голомтоо салгаж байна.
Үүнийгээ тэрбээр өөрийн цахим хуудаснаа бичиж “...хуримтлуулсан туршлага, сурсан мэдсэнээ бусадтайгаа хуваалцан, эх орныхоо хөгжил дэвшилд хувь нэмрээ оруулахаар дараагийн аяндаа мордож байна” гэжээ.
Улс төр “”ХАЛУУХАН” болж бүлэглэлүүдэд ХҮНД тусаж буй. Түүний нэг нь “Голомт”-ын Д.Баясгалан бөгөөд тэрбээр “ТӨМӨР ХААЛГА” татахгүйн тулд өөрсдийн гэх хүмүүсээ улс төр руу ЗҮТГҮҮЛЖ байгаа. Түүний нэг нь Д.Бадрал ажээ.
“Голомт”-ын Д.Баясгаланд төмөр замын хоёр, нүүрсний хоёр буюу нийт дөрвөн оффтейк гэрээ бий бөгөөд “Голомт”-ын Д.Баясгалан Бөөрөлжүүтийн нүүрсний уурхайг эзэмшдэг нэгэн. Ингээд “НҮҮРСНИЙ ХУЛГАЙН” хэрэгт нэр холбогдон татагдан оролцсон нь энэ. Ерөнхийлөгч асан Х.Баттулга “ГОЛОМТ”-ын Д.Баясгаланд Тавантолгой-Гашуунсухайт төмөр замын ажлыг өгсөн байдаг ч учиртай.
Нөхцөл байдал ийм дээрээ ирсэн учраас бизнесээ хамгаалах нэг ч гэсэн хүн Д.Баясгаланд хэрэгтэй байгаа нь тодорхой. Дуулиант баривчилгаа Д.Баясгалангаар ч үргэлжилж мэднэ. Х.Нямбаатар Хууль зүй, дотоод хэргийн сайд байх үедээ "Голомтын Д.Баясгалан шуналаа тат, Өөрийн хуулийн зөвлөхөө Улсын дээд шүүхэд томилуулах гэнэ. Өмнөх банкны эзэд яг л ингэж бяр амтагдаж байгаад чанга унасан шүү. Голомт банкны эзэнг Монголын дараагийн эзэн болгохгүй" гэж хатуухан шүүмжил байсан удаатай.
Энэ бол шүүх засаглалд өөрсдийнхөө хүнийг "БАЙРШУУЛЖ" байгаагийн нэг жишээ. Харин дараагийнх нь улс төр.
Голомтын Д.Бадрал улс төрд орохоор сэтгэл шулуудаж байгаа нь ч үүнтэй холбоотой байж мэдэх. Түүнийг Д.Баясгалангийн ”гар хөл” гэж ч цахим орчинд түүнийг “ХАРДАЖ” байна. Голомт ийнхүү төлөөллөө улс төр руу зүтгүүлж байна.
Тэгвэл Д.Бадралын овог болсон Голомт банк ч "нэр цэвэр" газар биш ээ. “Голомт” банк харилцагчийнхаа данснаас мѳнгийг нь авч эд хѳрѳнгѳ, орон байрыг нь булаасан гэж иргэн С.Урансувдмаа хэвлэлийн бага хурал хийж мэдээлж байлаа. Түүнчлэн “Бодь” гэх хосолсон нэртэй 20 гаруй охин компанийг байгуулж, тэрүүгээрээ дамжуулан харилцагч болон хадгаламж эзэмшигчдийнхээ мөнгийг “луйвардсан" байж болзошгүй асуудал ч яригдаж байв.
Үйлчилгээ авахад хэт хүнд сурталтай. Ажилчдын ёсзүй, хандлага тааруу, бизнесийн ёсзүй нь төлөвшөөгүй газар гэж хэлж болохоор. Ажлын бус цагаар дөнгөж төрсөн эмэгтэйг утсаар дарамталдаг, хадгалуулсан мөнгөө авах гэж хэдэн өдрийн ажил болдог гээд Голомт банкны үйлчилгээтэй холбоотой харилцагчдын гомдол мэдээлэл их бий.
Голомт зөвхөн банкны үйлчилгээ үзүүлдэггүй. Эздэд нь нүүрс, газар гээд том том хэргүүдтэй холбогдож байсан. Шүүх, хууль хяналтын байгууллагад ГОЛОМТЫНХОН хүнээ томилжээ. Харин одоо улс төр дэх нөлөөллөө илүү хүчирхэгжүүлэх гэж, холбогдсон "ХЭРЭГ" дээрээ наймаалцах гэж "утсан хүүхэлдэй", "цэргээ" ШАРК-ын дүрээр улс төр руу зүтгүүлж байна.
Д.Бадрал “Голомт”-ын Д.Баясгалангийн “ХЭРГИЙГ” “ЦЭЭЖЭЭРЭЭ ХАМГААЛАХ УУ” үүрэгтэйгээр ГИШҮҮН болохоор зүтгэж эхэлсэн нь энэ үү?
Like
0
Зөв
0
2
Буруу
0
Воов
2
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
