“Нүүрсний хулгай”-н хэргээр хэд хэдэн хүний нэр ЦОХОГДСОН. Энэ дундаас нам ч хамгаалж чадаагүй нэг хүн бол “Ажнай” Д.Бат-Эрдэнэ. Түүнийг “Нүүрсний хэрэгт” холбогдуулан шалгаж, ерөнхий прокурорын оруулж ирснээр гишүүний бүрэн эрхээс нь чөлөөлсөн. Одоо хэргийг шалгаж байгаа ч чухам хэн хэн ашиг сонирхолтой, хэн нь жинхэнэ “ХУЛГАЙЧ” болохыг нотолж чадаагүй л байна.
Сонгууль ч дөхлөө. Тэгвэл “Нүүрсний бүлэглэл”-үүд Их хуралд өөрсдийнхөө төлөөллийг багтаачих гээд улайрч сууна.
УИХ-ын гишүүн асан, “Ажнай” Д.Бат-Эрдэнэ дахин нэр дэвших нүүргүй. Иймээс Өмнөговь аймгийн удирдлагын багаас нэгийг нь сонгуульд сойх гэж байна. Хамгийн эхний хувилбар бол Өмнөговь аймгийн засаг дарга Р.Сэддорж.
Гэвч Р.Сэддорж нэр цэвэр хүн биш ээ. Нүүрсний хулгайн хэрэгт шууд болоод шууд бусаар холбоотой тул хуулийн байгууллагаас шалгаж байгаа.
“Нүүрсний хулгай”-н дуулиан сөхөгдөх үеэр 2010 онд 379 мянган тонн нүүрс гаалийн мэдүүлэггүй алга болсон гэх хэргээр “Ажнай” Д.Бат-Эрдэнэ хуулийн байгууллагад дуудагдсан байдаг. Үүнийг Өмнөговь аймгийн Засаг дарга Р.Сэддорж тайлбарлахдаа “340 мянган тонн нүүрс шатсан” гэж мэдүүлж байв. “Орон нутгийн 51 хувийн эзэмшилтэй Тавантолгой ХК-аас 379 мянган тонн нүүрс зувчуулсан буюу “мөргөцөг алга болсон” гэх хэрэгт холбоотой мэдээллийг УИХ-ын гишүүн асан Л.Энхболд ч мэдээлж байсныг дахин сануулъя.
Д.Бат-Эрдэнэ, Р.Сэддорж нар “хамсаатан” тул Р.Сэддорж нэр дэвшихгүй байх магадлал өндөр. Харин оронд нь хулгайд нэр нь холбогдоогүй аймгийн иргэдийн төлөөлөгчдийн хурлын даргаа сойх ч мэдээлэл бий.
АН-ын нэг мандат нь “халаасанд нь” байдаг “Ажнай” Д.Бат-Эрдэнэ, Р.Сэддорж нарт “БОДОЛ” бий. Тэд ямартай ч нэг төлөөллөө их хуралд багтаахаар зүтгэнэ. Тэгж байж тэр хүн нь их хуралд “эзнээ” хамгаалах учиртай.
Төр.мн
Like
0
Зөв
0
0
Буруу
1
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
