“Мода” Монголоор төгсөнө гэх шог яриа хүмүүсийн дунд яригдаад багагүй хугацаа өнгөрчээ. Тэгвэл энэ үгийг Монголын шилдэг уран бүтээлчид няцааж эхэлсэн юм. Өнөөдрийн байдлаар дэлхийд уран зураг, баримлын түүчээ нь Монголоос эхэлж байна гэж хэлж болох хэмжээнд очсон байна. Үүнийг гадаадын нэрт уран бүтээлчид дуу нэгтэйгээр хүлээн зөвшөөрчээ. Монгол хүн аливаа зүйлийг харах өнцөг, сэтгэхүй, ур чадвар, ур ухаан, аливаа зүйлд хандах хандлага нь Ази, Европын уран бүтээлчдээс ялгарч, цойлон гарч ирж байна. Сүүлийн үед манай дотоодын уран бүтээлчдийн шилдэг бүтээлүүд дэлхийн булан бүрд байршиж эхэлсэн сайхан мэдээ байгаа. Үүний нэгээр уран барималч Аюурзанын Очирболд нэн тэргүүнд нэрлэгдэх байх.
Түүний бүтээлүүд дотоодод болон тив дэлхийн шилдэг бүтээлүүдтэй ширүүхэн үзэж, эн тэнцүү очдог чанартай бүтээл. Түүгээр ч зогсохгүй оролцсон үзэсгэлэнгээсээ өндөр үнэлгээ авч ирсэн нь эх орныхоо нэрийг өндөрт өргөн яваа уран бүтээлч юм. Түүний “Ухамсар” бүтээл НҮБ-ын цэцэрлэгт хүрээлэнгийн гадна талбайд сүндэрлэж Дэлхийн нүдийг хужирлаж буй.
Дэлхий түүнийг хүлээн зөвшөөрч байхад манай "ХУРГАН ДАРГА" Нийслэлийн соёл урлагийн газрын дарга Ж.Дамдинцэрэн түүний хосгүй бүтээлийг "ҮНЭГҮЙДҮҮЛЖ" орхилоо. Учир нь нийслэлд “Урлагийн хот Улаанбаатар” аян эхлээд удаагүй байхад дарга сэтэртэй Ж.Дамдинцэрэн аяны утгыг алдагдуулав. Учир нь тэрбээр дэлхийд данстай “Ухамсар” бүтээлийн хажууд увайгүй үйлдэл гаргаж “Ухамсар” бүтээлд авирч гарах нь холгүй зураг татуулсан нь цахим орчинд шүүмжлэл дагуулж байна. Уг нь тэрээр дарга сэтэртэй, басхүү соён гэгээрүүлэх үүрэг хүлээсэн хүн. Түүнчлэн бусдад үлгэрлэх ёстой. Харин түүний үйлдэл "ДОРОЙ" ухамсартайг харууллаа. Тэгээд ч зогсохгүй “уран бүтээлч нь гарч болно” гэсэн гээд "АРЬСАА" өмгөөлж байх юм.
Хэзээний л ардын дунд “муу нэр, луу данстай” ч түүнийгээ хүлээн зөвшөөрдөггүй Төрийн хошой шагналт, Ардын жүжигчин, Хөдөлмөрийн баатар, Хөгжмийн зохиолч Н.Жанцанноровын даргын сэтэр зүүсэн хүү Ж.Дамдинцэрэн.
Тэр ч эцгийн нэрээр нэрд гарч, даргын суудалд удаа дараа сууж, халагдаж, хошуугаа унжуулан байж буцаж томилогдсон түүхтэй. Соёл, урлагийг олонд түгээн дэлгэрүүлэх ёстой дарга нь хотын соёлоос хойш татаж өөрийгөө соён гэгээрүүлэх чадваргүй, мөн энэ суудалд тэнцэхгүй гэдгээ харуулаад авчээ. Уг нь Нийслэлийн Соёл урлагийн газар нь иргэдэд соёл урлаг, зан заншил, түүхийг олон нийтэд таниулан сурталчлах, үлгэр жишээ байх атал даргын байр суурь, хийж буй үйлдлийг хараад дэргэдэх хүн битгий хэл гуравдах итгээд сурах зүйл үгүй юм шиг...
Увайгүй, урагшлахгүй үйлдэлтэй тэр журмын анд нөхдөө нэг үе зодож явсан баатар эр юм. Гэвч тэрээр аавын хаалгыг татахгүй өнгөрч чадах артай нэгэн. Муу сайн ч, эцгийн нэр нөлөө бий. Халаасандаа мөнгөтэй ч түүнийгээ захиран зарцуулах чадваргүй Ж.Дамдинцэрэн улсын тендерээс ажлынхаа хажуугаар хумсалж явдаг сурагтай. Салбарт нь зарлагдсан тендерээс доод талдаа 11 сая төгрөг унагааж ирсэн нь хэвлэлийн хуудаснаа баримттай үлджээ. Даргын суудал мөнгө дууддаг гэдгийг тэр ч нэг сайн харуулж байна.
Уг нь тухайн үед шадар сайд С.Амарсайхан Хотын дарга байхдаа Соёлгүй соён гэгээрүүлэгч Ж.Дамдинцэрэн албан үүргээс нь ёс зүйн хариуцлага алдсан гэж буулгасан ч гурван жил хөөцөлдөн байж НСУГ-ын даргын суудал дээр дахин сууж сэтгэлээ “амраасан”. Гэвч үйлдлээ хянаж чаддаггүйн балгаар муу дээрээ дахин дуудуулахад хүрчээ.
Like
0
Зөв
0
0
Буруу
0
Воов
2
Уйтгартай
1
Дуртай
© 2013-2023. Вэб сайт бүтээсэн: Tsast Solution LLC
