Монгол Улсад Монгол Ардын нам, Ардчилсан нам гэж хоёр нам л байдаг. Энэ үзэл нэлээн эрт дээр үеэс л Монголчуудын толгойд суусан. Тухайн үе буюу 1996 оны сонгуульд ардчилсан хүчний эвсэл парламентын 76 суудлын 50-ыг авч үнэмлэхүй ялалт байгуулсан түүхтэй. Харин 2020 оны УИХ-ын сонгуульд эрх баригч “МАН 62”, “Ардчилсан нам” 11, бие даагч нэг, “Зөв хүн электрат” эвсэл нэг, “Та бидний эвсэл” нэг суудал авснаар парламент бүрдсэн. Эндээс харахад Ардчилсан нам сонгуулийн рейтинг нь жилээс жилд нам унаж байгаа нь анзаарагдсаар буй. Ардчилсан намын нэр хүнд ингэж жилээс жилд унасаар буйд намын удирдлагуудынх нь хоорондын эв түнжингүй байдал, лидерүүдийнх нь тохиролцоо нь намын дотоод АРДЧИЛАЛД нөлөөлсөн гэдэг.
“Ардчилсан нам” нэг үе ТОМ сөрөг хүчин байсан бол одоогоор жижиг, муу хүчин болж байгаа гэж хилсдэхгүй биз. Учир нь Ц.Элбэгдорж, Э.Бат-Үүл, С.Эрдэнэ гэх тэргүүтэй үеэ өнгөрөөсөн улс төрчдийг өнөөгийн залуучууд сонирхох битгий хэл үе тэнгийн нөхдүүд нь үзэхээ больж байна. Тэд Ардчиллын алтан хараацай гэж аархдаг ч үнэндээ Ардчиллын хэрээнүүд болж хувирч Ардчиллын ашиг шимийг ард түмэнд биш өөрсдөдөө эргүүлж хөлжсөн нь тодоос тод илхэн. Ард түмний итгэл сэтгэлийг олон жил уландаа гишгэсэн тэдний хийж чаддаг зүйл бол зөвхөн олныг овооролдуулж, түмнийг тэмцэлдүүлэх жагсаалын зохион байгуулагчаар нь ажиллаж чаддаг болсон. Тэд 30 жилийн турш жагсаал цуглаан зохион байгуулаад сурсан хүмүүс. Тэдний ард түмний төлөө биш өөрсдийнхөө төлөө хийх тэмцлүүд нь хэзээ дуусах вэ?
Like
0
Зөв
1
0
Буруу
0
Воов
1
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
