Сүүлийн үед төрийн ордонд үеэ өнгөрөөж байгаа улс төрчдийг хараад бухимдаж, улс төрийг сонирхож эхлэх залуус маш их болсон. Гэхдээ төр улсынхаа түмэн олныхоо итгэлийг дааж, амьжиргааг нь залгуулах ухаан харин тэдгээр залууст бий юу? Олон мянган хүмүүжил, боловсрол, эрдэм, мэдлэг, дадал зуршилтай залуус даруу төлөв амьдраад болоод байхад төр засаг, түмэн олныгоо хүндлэхгүй, үнэлэхгүй хаа хамаагүй, хүссэн болгоноо хэлж, хийдэг хүмүүс төрд зүтгэх гээд “шунаж” байгаа “МООД Монголд” дэлгэрээд байгаа нь харамсалтай.

Тухайлбал, олны дунд М.Чингисхаан нэрээр танил болсон М.Баасанжаргал нь сошиал ертөнцөд “элийрэгч”, “галзуу” үйлдлээрэй олны хайрыг татахаас илүүтэй дургүйцлийг хүргэдэг. Гэтэл тэрээр “Хэнтий аймаг”-ийн 18 дугаар тойрогт нэр дэвшиж байгаа аж. Харин сонгогч та түүнийг таних уу? М.Баасанжаргал буюу М.Чингисхаан гэж чухам хэн бэ, юу хийдэг, ямар хүн гэдгийг мэдэх үү?

Тэрээр Архангай аймгийн Цэцэрлэг суманд 1989 онд төрсөн. 2011 онд Улаанбаатар хотод шилжин ирж “Баянгол дүүргийн 13-р дунд сургууль”-д суралцаж төгсөөд “Кино урлагийн дээд сургууль”-д найруулагч мэргэжил эзэмшсэн юм.

Түүний аав, ээжээс өгсөн нэр нь М.Баасанжаргал. Гэхдээ түүний нэрийг аав, ээж нь биш өөр хүмүүс өгсөн гэдэг. Тиймдээ ч “М.Баасанжаргал гэх нэрэндээ дургүй. Нэрээсээ их ичдэг байсан” хэмээн хэвлэлд ярилцлага өгсөн байдаг. Багаасаа л Чингисхааны түүх, зохиол, ном судар, зурагт их сонирхолтой байсан нь даамжирч Чингисхаанаар “өвчилсөн” гэж хэлэхэд хилсдэхгүй. Тиймдээ ч М.Чингисхаан гэх нэрээр иргэний үнэмлэх, төрсний гэрчилгээгээ өөрчилж чадаж цахим хаягаа “Чингисхаан” нэрээр сольж байжээ. Энэ явдалд нь дотнын хүмүүст нь ихэд эмзэг тусаж, түүнээс зайгаа барьсан гэдэг. Гэхдээ ганц дайчин ганцаардахгүй гэдэг шиг хүссэн зүйлдээ хүрсэн тэрээр М.Чингисхаан нэрийг өөрийн жинхэнэ нэрээ болгож амьдралдаа хамгийн том өөрчлөлтийг хийж чадсан түүхтэй.

Мэдээж түүний амьдралд бол өөрт нь маш их түүхийг бүтээж байгаа хэдий ч Их Монгол улс байгуулсан “Чингисхаан”-ы түүхийг яаж гүйцэх билээ. Учир нь тэрээр өөрийгөө ЧИНГИСХААН-тай энэ дүйцүүлж ярьдаг. Монгол улсыг “ХААНТ” засаглалтай болгохын төлөө алхам, алхмаар урагшилж яваа гэж бодож байгаа хэдий ч угтаа алхам, алхмаар амьдралаа үрж байгаа гэдгийг олон  түмэн ч хэлээд авдаг.

Түүнийг улс төрийн амбицтай гэж яахан мэдэх билээ.  Улс эх орныхоо, байгалын баялаг, газар шороо, улс төрчтэй тэмцэлдье, энгье, тэгье гэсэн хүн бүр  л өөрсдийгөө саарал ордонд заларна гэж бодож эндүүрдэг хүмүүсийн нэг М.Чингисхаан.

Тэрээр 2020 оны УИХ-ын сонгуульд Сүхбаатар дүүрэгт нэр дэвшиж байсан. Өөрийгөө харьцангуй туршлагатай гэж боддог. Залуучуудыгаа төлөөлж, тэдний дуу хоолой болж нэр дэвшиж байна гэж хэлдэг. Харин ч М.Чингисхаанаар төлөөлүүлсэн залуучууд Монголд байна гэдэг нь “хэтэрхий өрөвдөлтэй” бус уу.

Энэ удаагийн  Улсын их хурлын нөхөн сонгуулийг тэрээр маш том боломж гэж харж, ХААНТ засаглалтай болгох түүний хүсэл мөрөөдөлдөө хүрэхэд нэг шат ахиж байгаа гэж бодож суугаа байх.

Тэрээр хэлэхдээ : “Өнөөдөр орчин үеийн хаант засаглал хэрэгтэй байна. Олон толгойтой мангас шиг байгаа төрийг нэг толгойтой нэг, хаантай улс болгохын төлөө нэр дэвшиж байна. Миний эцсийн зорилго ХААН” хэмээн хэлсэн байдаг. Тэрээр сонгуулийн мөрийн хөтөлбөртөө “Хүн төрөлхтний ухамсрыг сэргээж, корона вирусийг устгаж чадна, Монгол хүн дэлхийн хүн төрөлхтний дархлаа гэдгийг номлож чадна, төөрч будлисан хүн төрөлхтний зүг чигийг зааж, хөгжлийн зөв шийдлээр үлгэрлэж чадна” гэх утгатай “удган” яриа олны эгдүүцлийг хүргээд авч.  Тодруулбал, “Намайг сонговол хүн төрөлхтний дороо ухамсрыг нь би сэргээж, корона вирус арилна, Монгол хүн бүрийн дархлааг оношилж нотолно, зүг чиггүй амьдарч байгаа хүмүүсийн зүг мөрийг нь гаргана. гэх утгатай” үгс бичсэн нь олны бас л анхаарлыг татаад авсан. Харин эцсийн үр дүнд түүнийг “ХААН” болгох болгохгүйг Хэнтийчүүд л мэдэх болоод байна. Хэнтийчүүдийн сонголт мэргэн БАЙГ

Доорх мөрийн хөтөлбөртэй танилцана уу?