УИХ-ын 28-р тойргийн нөхөн сонгуульд Ш.Гантулга “ИЗНН”-аас хүч үзэж байгаа юм. Цагтаа “Иргэний Зориг Ногоон Нам” нь УИХ-д суудалтай явсан улс төрийн нам. Тиймдээ ч тэд “ИХ хурал”-д төлөөлөгчтэй болохыг битүүхэн дотроо мөрөөддөг биз.
ИЗНН-ын талаар Баабар хэлэхдээ "Их хүн С.Зоригийн үйл хэргийг үргэлжлүүлэх хэмээн нэр хүндэд нь тулгуурлан гарч ирсэн гол төлөв сэхээтнүүдээс бүрдсэн улс төрийн гуравдагч хүчнийг төлөөлөх зорилготой, С.Баярын дэмжлэгтэйгээр байгуулагдсан нам. Голлон тоглогч нь С.Оюун. Сэхээтнүүдээр хүрээлүүлсэн тул өөрсдийгөө ард түмэндээ ойлгуулах тал дээрээ тааруу бөгөөд бусдаас ялгаатай яг ямар үзэл баримтлалтай нь бүдэг бадаг. Голлон тоглогчид нь УИХ-д байдаг завгүй, бас санхүүжилт муу тул улс орныг хамарсан том үйл ажиллагаа явуулдаггүй” гэж хэлсэн удаатай.
ТЭГВЭЛ ӨӨРСДИЙГӨӨ АРД ТҮМЭНД ОЙЛГУУЛАХДАА МУУ НАМЫН “СОЙЖ” БАЙГАА ОЛОН УЛСЫН ТОЙМЧ Ш.ГАНТУЛГА ГЭЖ ХЭН БЭ?
Тэрээр Улаанбаатар хотод төрж өссөн ч Сүхбаатар аймгийн гаралтай хүн. Нийслэлийн Лаборатори “Нэгдүгээр дунд сургууль”-ийг дүүргэсэн. Зөвлөлт холбоот улсад мэдлэг, мэргэжил эзэмшсэн, геохимич мэргэжилтэй нэгэн. Үүний дараагаар сэтгүүлзүйд дурлах болсон гэдэг. Ерөнхийлөгч асан Н.Энхбаярын байгуулсан “ТВ9 телевиз”-д 2006 онд “Олон улсын тоймч”-оор ажилд орсон ч удалгүй 2014 оноос “Ийгл ТВ”-д ажилд орж, үзэл бодлын зөрчилдөөнөөс болж ажлаасаа халагдсан гэдэг. Сүүлд “Боловсрол ТВ”-д ажиллаж байсан бөгөөд ард түмэн түүний олон улсын тойм ч гэдгээр нь мэдэхээс биш “Монголын Үндэсний фронт” хөдөлгөөний тэргүүн гэдгээр нь төдийлөн сайн мэдэхгүй.Тэгвэл хөрөнгөтний нам гэх тодотголтой “ИЗНН”-аас нэр дэвшигч Ш.Гантулгын хөрөнгөтэй танилцъя.
Түүний гэр бүлийн орлого нь 2020 онд 25,5 сая төгрөг. Нийт 185 сая төгрөгийн үнэ бүхий хоёр нийтийн орон сууцтай бөгөөд 6,3 сая төгрөгийн үнэт эдлэлтэй гэжээ. Мөн Toyota, RAV 4 /13 сая төгрөг/, Хоёр сая төгрөгийн хадгаламжтай, 19 сая төгрөгийн авлагатай. Харин долоон сая төгрөгийн зээлтэй, Нэг патент эзэмшдэг юм байна.
Харин 2018 онд “Иргэний зориг, ногоон нам”-ын Үндэсний хороо хуралдаж, намынхаа дүрмийн өөрчлөлтийг баталсан. Энэ үеэр УИХ-ын гишүүн асан С.Оюуны намын даргын албаа хүлээлгэн өгөх хүсэлтийг хэлэлцэж, ажил үүргээс нь чөлөөлсөн бол Ц.Ганхуягийг үргэлжлүүлэн ИЗНН-ын даргаар ажиллаж дэд даргаар нь экс Ерөнхийлөгч Х.Баттулгын өмнөх эхнэр Ц.Энхтуяа ажилладаг. Тиймээс олон нийтийн дунд “дэд дарга Ц.Энхтуяа ИЗНН-аас Ш.Гантулгыг сойсон” гэх яриа ч бий.
Харин уг намын чин хүсэл нь “Их хурал”-д суудалтай болох. Хүслийг нь олон улсын тойм Ш.Гантулга биелүүлж чадах болов уу? Эсвэл тэдэнд Ш.Гантулгаас өөр хүн олдоогүй гэж үү?
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
