Хүүк, Баясаа, Оюук гурав. Улс төрийн намтар түүхийг харвал нэг талын гурав гэмээр. Гэхдээ улс төрд БИ ГАНЦААРАА, БУСАД НЬ МАНАЙХ гэсэн ойлголт бас бий.
Хавраас улс төр нэлээн ширүүсэж эхэлсэн. Гуравдугаар хүн нэгдүгээр хүнтэй ойлголцохгүй, хоёрдугаар хүн аль талд орохоо харзнаж, хоёр, гурав нэг баг мэт боловч араа шүдээ үзэх дээрээ тулж... Эрх ашиг, ашиг сонирхол үнэндээ тэдний “ЗОДООН”-ны эхлэл гэлтэй.
Д.Амарбаясгалан Л.Оюун-Эрдэнэ нарын “ХАГАРАЛ”...
Сүүлийн өдрүүдийн жишээг авч үзье. Амарбаясгалангүй Оюун-Эрдэнэ, Оюун-Эрдэнэгүй Амарбаясгалан гэж байхгүй гэж Монгол Улсын Ерөнхий сайд, МАН-ын дарга Л.Оюун-Эрдэнэ сонгуулийн үеэр иргэдийн уулзалтад хэлж байлаа. Тэд НЭГ БАГ мэт боловч тэдний харилцаанд сэв суужээ. Мэдээж ард нь эрх ашиг бий л байлгүй. УИХ-ын дарга Д.Амарбаясгалан Засгийн газрыг шүүмжилж, засаг нь давраад байгааг хатуу хэлэв. Ингэхдээ Л.Оюун-Эрдэнэ ээ давраад байвал араа шүдээ үзүүлж чадна шүү гэж тойруу бус утгаар хэлээд авсан.
Түүнчлэн Баясаагийн хүн гэгдэх УИХ-ын гишүүн Б.Баярбаатар өнөөдөр Ерөнхий сайдыг хатуу шүүмжилж орлогоо нотолж, ёсзүйн хариуцлагатай байхыг сануулж орхисон зэргээс харвал хоёрдугаар хүн гуравдугаар хүнтэйгээ ТААРАМЖГҮЙ байгааг илтгэх. Чуулганы хуралдаан бүрт УИХ-ын дарга Засгийн газрыг “ДОНГОДОЖ” байгаа нь бас нотолгоо.
У.Хүрэлсүх Д.Амарбаясгалан нарын “ХАГАРАЛ”...
Өнөөдөр чуулганы хуралдаанаар Гаалийн албан татвараас чөлөөлөх тухай хууль хүчингүй болсонд тооцох тухай хуулийн төслийн эцсийн хэлэлцүүлгийг хийж батлах байсан ч олонхын дэмжлэг авч чадсангүй унав. ХХААХҮ-ийн сайд Ж.Энхбаяр “уйлан” дуугарч УИХ-ын дарга чиглүүлж унагасан. Ерөнхийлөгчид хэлнэ дээ хэмээн хурал хийж орхив. Тэдний хагарлыг илтгэх нэгэн жишээ тэр.
Үүнийг батлах шиг УИХ-ын гишүүн, Төрийн байгуулалтын байнгын хорооны дарга Ж.Бат-Эрдэнэ “муу” ажилласан сайд Ж.Энхбаяр хариуцлага хүлээ гэх зэргээр тайлбар хийсэнд ийн дүгнэлт хийж болохоор.
Анхнаасаа импортоор гурил оруулж ирэхийг эхлүүлсэн тул Д.Амарбаясгалан үйл хэргээсээ ухрахгүй нь мэдээж. Харин Ерөнхийлөгчийн бодлогын эсрэг гэмээр үйлдэл хийж байгаа нь тэд ТААРАМЖГҮЙ болсныг харуулах шиг.
У.Хүрэлсүх Л.Оюун-Эрдэнэ нарын “ХАГАРАЛ”...
Энэ хоёрын хагарал нэлээн эрт эхэлсэн байж мэдэх. Тийм шуум ч явж ирсэн. Бүр ах нь дүүгээ зодсон, хамар нь хугарсан мэтээр олон нийтийн дунд “хов” яригдаж ч байлаа. Гэхдээ нь оргүй зүйл бас биш юм. Нэг нь сунгагдах, нөгөөх нь сунгагдахад туслах. Эл асуудлаас болж ах дүүгийн барилдлага “тасарч” эхэлсэн. Хүүкийн гэх хүмүүс Засгийн газрын булхай луйвар, алдаа дутагдлыг ихэд шүүмжлэх болсон бөгөөд хариуцлагын асуудлыг ч хөндөж эхэлсэн.
Төрийн ордонд, улс төрд учир утгагүй зүйл гэж үгүй. Гишүүдийн хэлж байгаа үг, үйлдэл бүр улс төрийн ашиг сонирхол, уур амьсгалыг илтгэдэг. Зөвхөн өчигдөр, өнөөдрийн улс төрийн үйл явдлаас харвал АХ ДҮҮ НАРЫН ЗОДООН ихэд ХУРЦАДСАН бололтой.
Төр.мн
Б.БАДАРЧ
Like
2
Зөв
1
0
Буруу
0
Воов
0
Уйтгартай
0
Дуртай
Хүүк, Амарбаясгалан төлөөтэй нүүрсний хулгайч МАН-ы томчуул Оюукаг хорхойтой араандаа зуусан байгаа. Яаж ийж байгаад огцруулна л даа..
Утгагүй юм бичихээ болио залуус минь галт тэрэг хөдөлсөн зогсоох эрх та нарт байхгүй хийсэн зүйлийг нь буруутгах улс цөөхөн байгаадаа.
Ene 3n tomchulgsich hoorondoo tolhiltsvol ard tumend l ashig irne sh dee negdvel eh ornoo huu l tsulmunu uur yahiin be??.
© 2013-2023. Вэб сайт бүтээсэн: Tsast Solution LLC
