Монгол Улсын Ерөнхий сайд Г.Занданшатар аа, ЗГХЭГ-ын дарга С.Бямбацогт оо !!!
Та нарын яриад байгаа ХУЛГАЙ чинь “Монголын төмөр зам” ТӨХК-д жинхэнэ явагдаж байна.
Монгол Улсын стратегийн салбар, амин сүнс, дэд бүтцийн ирээдүй болсон “Монголын төмөр зам” ТӨХК төсвийн мөнгийг “ШУУДАЙ, ШУУДАЙ”-гаар нь үрснийг аудит дүгнэлтээрээ нотолчихоод байна. Аудитын дүгнэлт бол улс төрийн дайралт биш, харин шинжээчдийн гаргасан мэргэжлийн дүгнэлт, бодит факт.
“Монголын төмөр зам” ТӨХК 1.2 тэрбум төгрөгийг “ЦОХ ДУТААВ”
БАРИМТ-1
“Монголын төмөр зам” ТӨХК-ийн удирдлагуудыг 1.2 тэрбум төгрөгийг “БАЙХГҮЙ” болгосныхоо төлөө хуулийн байгууллага шалгаж байх ёстой. 2024 оны Аудитын дүгнэлтээр нийт 1.2 тэрбум төгрөгийн хөрөнгө бодитоор байхгүй, дутуу илэрснийг тогтоон хуулийн байгууллагад шилжүүлэх албан шаардлага хүргүүлжээ. Гэтэл энэ нь хэрэгжихгүйн дээр зөрчил дутагдлаа арилгаагүйг доорх баримт нотолж байна.
Өөрөөр хэлбэл “Монголын төмөр зам” ТӨХК жил бүр хаана, юунд, хэнд, хэрхэн зарцуулагдсан нь мэдэгдэхгүй хэдэн зуун сая төгрөгийг “АЛГА” болгосноор энэ нь 1.2 тэрбум төгрөгт хүрчээ. Өөрөөр хэлбэл ямх ямхнаар, чимх чимхнээр “ХУМСАЛДАГ” уламжлалтай аж.
БАРИМТ-2
“Монголын төмөр зам” ТӨХК нь 480 орчим сая төгрөгийн бараа материалын нөөцийг нэмж үүсгэсэн байна. Түүнчлэн чанарын шаардлага хангахгүй бараа материал худалдан авсан, насжилт өндөртэй бараа материалын нөөц үүсгэж удаа дараа ийм зөрчил гаргаж байжээ.
БАРИМТ-3
Өнөөдөр Монголд нэг литр ус л НЭГ төгрөгийн үнэтэй. Гэхдээ гэр хорооллынх шүү. Өөрөөр нэг төгрөгөөр үнэлэгдэг хөрөнгө гэж үгүй. Гэтэл 105 нэр төрлийн хөрөнгийг 1 төгрөгөөр бүртгэсэн байна. Нэг төгрөгөөр бүртгэсэн хөрөнгө нь 44.9 сая төгрөг төгрөг гэвэл бодит ханшаар тооцвол энэ нь тооны машинд багтахгүй их дүн гарна.
НДШ-ийг 8.9 сая төгрөгөөр илүү тайлагнасан, үйл ажиллагааны орлогыг 171.9 сая төгрөгөөр дутуу тайлагнасан, ажилласан жилийн нэмэгдэл илүү олгодог гээд олон зөрчил илэрснийг аудитын дүгнэлтээс харж болно. Энэ бол зөвхөн Аудитын дүгнэлтээр ил болсон нэг хэсгийн факт. Ирэх жилийн дүгнэлт ч олны нүдийг хужирлах нь лавтай.
“Монголын төмөр зам” ТӨХК бол санхүүгийн САХИЛГА БАТГҮЙ, ХАРИУЦЛАГАГҮЙ, төсвийн мөнгөөр ТУЙЛДАГ, ХАЛААСЛАДАГ газар гэдгийг нэгхэн баримт ийн нотоллоо.
“Хулгай” зөвхөн нүүрсэнд байгаа бус. Харин төмөр замд ч энэ хулгай ихэд нүүрлэсний тод жишээ. Иймээс Монгол Улсын Засгийн газар, Ерөнхий сайд Г.Занданшатар “ХУЛГАЙТАЙ ТЭМЦЭХ” тэмцлээ “Монголын төмөр зам” ТӨХК-аар үргэлжлүүлж, ШИНЭЭР ТОМИЛГОО хийх бололтой.
“Монголын төмөр зам” ТӨХК-ийн гүйцэтгэх захирлаар О.Батчулууныг энэ оны эхээр томилсон байдаг. Түүний хувьд “Монголын цахилгаан холбоо” ХХК-ийн гүйцэтгэх захирал, “Эрдэнэс Монгол” ХХК-ийн гүйцэтгэх захирлын зөвлөхөөр ажиллаж байсан аж. Зам, тээврийн хөгжлийн сайд Б.Дэлгэрсайханы “таалалд” нийцэж уг албан тушаалд томилогдсон нэгэн.
Энэ байгууллагад улс төрийн “буруу томилгоо” хийгддэгээс болж асар их зөрчил, эрсдлийг бий болгож байна. Мэргэжлийн бус, туршлагагүй “сайд”, “дарга” нарын томилгоо, намын “шагнал”-ын төлөөс нь “Монголын төмөр зам” ТӨХК-ийн гүйцэтгэх захирлын албан тушаал болоод удаж байна. Иймээс Засгийн газрын ДАРААГИЙН ТОМИЛГОО энэ салбарт хийгдэх нь...
Төр.мн
Like
0
Зөв
0
1
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
