"Юнител групп"-ийн сүлжээ тасарах тоолонд иргэдээс "ХООСОН УУЧЛАЛТ" гуйдаг уламжлал тогтжээ

Дуулиан

4
1398

"Юнител групп"-ийн сүлжээ тасарах тоолонд иргэдээс "ХООСОН УУЧЛАЛТ" гуйдаг уламжлал тогтжээ

Төр.мн I www.tur.mn

2021-10-14

Сүүлийн үеүдэд Юнител, Юнивешны сүлжээнд доголдол үүсэж иргэдийн амьдрал ажил үйлсэд ихээхэн хохирол, чирэгдэл учруулж байна. Тухайлбал, байгуулагдаад эхний жилдээ Юнител 200 мянган хэрэглэгчийг татаж чадсан нь урьд хожид үүрэн холбооны зах зээлд тохиолдож байгаагүй үзүүлэлт хэмээн өөрсдөөрөө онгирч байсан ч тэрхүү биеэ тоосон байдал нь иргэдийн ажлыг салгардуулж байгааг тэд үл мэднэ. Түүгээр ч зогсохгүй Юнителийн сүлжээ Монгол улсын газар нутгийн 88 хувийг хангах чадвартай гэлцдэг. Тэгвэл системд доголдол үүсэх тоолонд Монгол улсын 88 хувь энэхүү асуудалтай нүүр тулгарч, аргагүй байдалд ордог биз.

"ҮҮНИЙГ НЭГ ТАЛААР ХЭРЭГЛЭГЧИДИЙН АЖИЛ ҮЙЛСЭД САНААТАЙ БУС АРГААР СААД УЧРУУЛСАН ГЭЖ ХЭЛЖ БОЛОХ АСУУДАЛ"

Нийгэмд том монопол гэгдэх Юнителийн сүлжээ сард ямар нэгэн байдлаар доголдол үүсэнээр харилцагчидад шууд аргаар хохирол учруулдаг. Уламжлалт ёсоороо “Юнител групп” цахим хуудсаараа дамжуулан ганц мэдэгдэл хийх нь хангалтгүй болжээ.

“ЮНИТЕЛ ГРУПП”-ИЙГ СОНГОН ҮЙЛЧЛҮҮЛЖ БУЙ ХАРИЛЦАГЧДАА ТЭД СҮЛЖЭЭНИЙ АСУУДЛААР БЭЛЭГ БАРЬДАГ ТОГТСОН УЛАМЖЛАЛТАЙ БОЛЛОО

Нэг үгээр хэлбэл "Юнител групп" гэнэтийн аюулаас урьдчилан сэргийлэх арга хэмжээ авч чаддаггүй гэж дүгнэж болохоор. Монгол улсын булан бүрд салбартай байгууллага сүлжээний асуудалтай байна гэдэг хэр чадваргүй боловсон хүчин, хариуцлагагүй байгууллага гэдгээ харуулж буй. Бусад үүрэн телефоны газруудын сүлжээ доголдох бүү хэл тасарч байсан түүх байхгүй гэхэд хилсдэхгүй.

Хамгийн их хямдрал урамшуулал зарлаж хэрэглэгчдээ тэлдэг байгууллага тэр хэмжээгээрээ иргэдийн ажилд саад учруулна гэдгээ хэзээ бүрэн ойлгох вэ. Тэр ч бүү хэл сүүлийн үед Юнителийн дугаар “ХОГ” болж үнэ төлбөргүй тараагдах болсон нь “ЭМГЭНЭЛТЭЙ”

Түүний зэрэгцээ Юнивешний сүлжээний уналт хэвийн үзэгдэл болжээ. Нийслэл орон нутаг суурийн газарт шилэн утас татаж аймаг бүрд сүлжээгээ нэвтрүүлэх гэж зорьж буй байгууллага урдах асуудлаа бүрэн шийдэж чадахгүй байж "Түрүүлж алхана" гэх уриатай. Үүнтэй холбоотой цахим орчинд "Юнител групп" дооглон иргэд ихээхэн жиргэх болжээ. Тухайлбал, "Юнител групп" түрүүлж алхаж байгаад бүдэрдэг үе бий шүү хэмээн хөгжөөнт наргиа цахим орчинд дэгдэж ирсэн.

Гэвч энэ бүнхий цаадах ухааныг тус байгууллага нэг л ойлгохгүй байгаа янзтай. 21 аймаг, сум бүрд салбараа нээсэн. Зах дээлд өрсөлдөх чадвартай ч хаа нэг алддаг алдаа нь иргэдийн дургүйцлийг ихээхэн төрүүлдэг. Юнителийн хэрэглэгчийн сүлжээ унахад тухайн хэрэглэгчийн ажил, хөдөлмөр хичээл сургуулийг “АЛДАГ” гэж нэг үгээр хэлж болно. Гэвч байгууллагын үгээс нэг тайлбар өгөөд орхидог уламжлалт хэдийнээ тогтжээ. Гэвч өнөөдрийг хүртэл энэ асуудал дээр дорвитой арга хэмжээ авч чадаагүй цаг хугацаа өнгөрч байна.

Нийт сэтгэгдэл 3

! Анхаар! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд tur.mn сайт хариуцлага хүлээхгүй.