Монгол улсын хэмжээнд гэлтгүй Дэлхий дахинд КОВИД-тай тэмцэж байгаа энэ үед эдийн засаг, нийгэм, улс төр, боловсрол гээд бүхий л салбарт ухралт үүссэн. Гэтэл Монгол улсын хувьд энэ цаг үеүдэд ард түмэн нь бор зүрхээрээ амьдралаа туулж, авилга, хээл хахуульд автсан сайд, дарга нарын аж ахуй эрхлэгчдийн хоорондын харилцан үл ойлголцол, нийгмийн бүхий л салбарын нөхцөл байдал нь хурцдаж хэл ам дагуулсаар хоёр жилийг ардаа үлдээн, гурав дахь жилрүүгээ орох гэж байна.
Энэ хугацаанд яам, агентлаг болон төрийн байгууллагуудад илүү зардлаа хумих, үр ашиггүй зардал төсөвлөхгүй байхыг анхааруулж байсан. Гэтэл төрийн байгууллагуудын үр ашиггүй урсгал зардлууд нь өмнөх жилүүдээсээ илүү урссаар...
Тодруулбал, бусад улс орон ард түмэн, улс эх орныхоо төлөө сайд дарга нар нь тансаглалаа зогсоож, машин болон эд хогшил гэх мэт илүү зардал гаргах зүйлсээс татгалзаж байхад манай Монгол улсад эсрэгээрээ ард түмний хумсаа хугалан байж олсон мөнгийг сайд, засаг, дарга нарын амины орон сууц, автомашин, суух сандал, идэх хоол, өмсөх хувцас бүр аваад суух эхнэрт нь зарцуулж байгаад нь бухимдаж буй иргэд жилээс жилд нэмэгдсээр байгааг нуух юун. Тухайлбал, яам, агентлагийн байгууллага урсгал зардалдаа хэдэн тэрбумаар нь тусгадаг. Үүнд үнэхээр хэдэн зуун саяар нь хийгдэх урсгал засвар, зайлшгүй солих шаардлагагүй эд материал яг байдаг уу? гэдгийг иргэд тэр болгон хяналт тавьж чаддаггүй нь харамсалтай.
Зураг 1: Соёлын яам
Ард түмний халааснаас гардаг татварын мөнгийг хэрхэн яаж зарцууж байгааг shilendans.gov.mn та бүхэн шилэн данснаас харж болно.
Зураг 2: Соёлын яам
Мөн өнөөдрийн байдлаар “Мэргэжлийн хяналтын газар” эд хогшил худалдан авах тендер зарлажээ.
Иймд худалдан авах нэн шаардлагатай тулгараагүй, өөрсдийн ажлын орчин, нөхцөлөө сайжруулах зорилготой урсгал зардлуудыг хэдэн зуун саяар нь урсгадаг.
Ард түмэн чинь өдөржин ажиллаад татвараа төлөөд 10.000 төгрөгтэй ирж олон хүүхдээ тэжээгээд амьдарч байхад ард иргэдийн хөдөлмөрөөр албан тасалгаагаа жилийн жилд гоёх дарга нар манай улсад байна гэхээр нэгэн бодлын эмгэнэл юм. Иймд иргэн бүр албан татвар, шимтгэлээ, сайд, дарга нарын амьдралыг дээшлүүлэх гэж төлдөггүй юм. Иргэд чинь эрүүл мэндийн даатгалаа төлсөөр байгаа хэрнэ өнөөдөр PCR шинжилгээнд ядаж нэг удаа үнэ төлбөргүй хамрагдах эрхгүй байгаа нь харамсалтай, Нийгмийн даатгалаа төлснөөрөө хүн бүр ялгаварлалгүй нөхөн олговроо авч чадахгүй байгаа нь харамсалтай. Тиймээс илүү зардал, үр ашиггүй төсөв батлахын оронд эх орон, иргэд, хүүхэд багачууд, хөгшчүүлдээ нүдэнд харагдахуйц, гарт баригдахуй зүйл дээр төсөвлөх нь зөв бус уу?
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
