УИХ-ын гишүүн П.Анужинг АТГ-аас шалгаж эхэлжээ

Дуулиан

2
2009

УИХ-ын гишүүн П.Анужинг АТГ-аас шалгаж эхэлжээ

Төр.мн I www.tur.mn

2021-10-25

“Монгол тулгатны 100 эрхэм” нэвтрүүлгээрээ хэр сайн хөтлөгч болохоо батлан харуулсан нэгэн бол УИХ-ЫН ГИШҮҮН П.АНУЖИН билээ. Тэрбээр улс төрд хөл тавихаасаа өмнө нэрт яруу найрагч Б.Лхагвасүрэнтэй мөр зэрэгцэж алдар цуутай эрхмүүдийн зүрхэн дэх утсыг хөндөж явсан нь үзэгчдийн дунд тод үлдсэн. Дурдвал арлын Япон оронд эх орныхоо нэрийг дуурсгаж үлдээсэн Д.Дагвадоржийн зүрхэн дэх хурыг гадагшлуулсан цөөн хэдэн хүний нэг.

ОЛНОО ХҮНДЛЭГДЭЖ, ХАЙРЛАГДСАН САЙН ХӨТЛӨГЧӨӨС УИХ-ЫН ГИШҮҮН БОЛОХОД ИРГЭД НИЙГЭМ УЛС ТӨРИЙН АСУУДЛЫГ ДОРВИТОЙ ШИЙДЭХ ХҮНТЭЙ БОЛЛОО ХЭМЭЭН БАЯРЛАЖ СУУСАН Ч ИРГЭДИЙН ХҮСЭЛ ХЯСЛАН БОЛЖ ӨНДӨРЛӨСӨН АЖ.

Төрийн ордноос Монгол дээлний хээ ярьж олны хэл амны бай болсон. Тиймдээ ч тэр үү, тэрбээр чимээ аниргүй улс төрчдийн тоонд багтаад амжсан. Гэвч дуугүй байх хугацаандаа тэр зүгээр суусангүй. Учир нь өнгөрөгч долоо хоногт УИХ-ын гишүүн П.Анужинг АТГ-аас шалгаж эхэлсэн талаар хэвлэл мэдээллийн байгууллагаар цацагджээ.

Сэтгүүлч бол дөрөвдөх засаглал шулуун шударга, иргэдийн дуу хоолой болох ёстой байхад төрд сууж төсвөөс хумсална гэж СХД-ийн иргэд сонгогч нар төсөөлөөгүй явсан байх. Иргэд цахим хуудаснаа УИХ-ын гишүүн П.Анужинг "улс төрийн усыг нь сайн ч ууж, ёсыг нь мөн адил сайн баримталж байна" хэмээн хошигноод авчээ.

ТОДРУУЛБАЛ, П.АНУЖИН УИХ-ЫН ГИШҮҮН АСАН Р.БУДЫН БУЮУ ЭЦЭГТ НЭГ ДҮҮТЭЙГЭЭ ГАР НЭГДЭН ИРГЭДИЙН ЭЗЭМШЛИЙН ГАЗРЫГ ЭРХ МЭДЛЭЭ УРВУУЛАН АШИГЛАЖ, ХҮЧ ХЭРЭГЛЭН БУЛААН АВСАН ГЭНЭ.

ТУХАЙЛБАЛ, БАЯНЗҮРХ ДҮҮРГИЙН IV ХОРООНЫ НУТАГ ДЭВСГЭРТ БАЙРЛАХ ДОРЖИЙН ГУДАМЖНЫ НИЙТИЙН ЭЗЭМШЛИЙН ГАЗАР ДЭЭР ТЭД “ЛҮНДА” НЭРТЭЙ БАРИЛГА БАРЬЖ, ДОТОР НЬ БААР ЦЭНГЭЭНИЙ ГАЗАР, БИЛЛЪЯАРД, АВТО УГААЛГЫН ИЛ ЗОГСООЛ ГЭХ МЭТ ҮЙЛ АЖИЛЛАГАА ЯВУУЛАХ БОЛСОНТОЙ ХОЛБОГДУУЛАН АТГ-ААС ШАЛГАХ БОЛСОН БАЙНА.

Төрсөн дүүтэйгээ нэгдэж нийтийн эзэмшлийн газар нутагт хувийн байгууллагаа барьж халаасаа давхар дүүргэж яваа сурагтай. Төрд суусан нь багадаж, иргэдийн талд орох нь бүү хэл эсрэг талд нь зогсож байгаад үнэн ч шүтэн бишрэгч нарынхаа итгэлийг ёстой л нэг хариулах шиг боллоо.

Нийт сэтгэгдэл 2

! Анхаар! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд tur.mn сайт хариуцлага хүлээхгүй.