Монгол улс “КОВИД-19” цар тахалтай тэмцэж яваа энэ хэцүү цаг үеүдэд үр ашиггүй, урсгал зардлаа танаж, ард иргэдийнхээ эрүүл мэнд, эх орныхоо эдийн засагт анхаарлаа хандуулах нь нэн чухал болоод байгаа юм. Бид өмнө нь төрийн байгууллага болох яам, агентлагийн байгууллагууд үр ашиггүй олон сая төгрөгийг улсын төсвийн мөнгөнөөс урсгаж байгааг мэдээлж байсан.
Харин энэ удаа Хөвсгөл аймгийн “Жаргалант сум”-ын Засаг даргын тамгын газар орон нутгийн төсвөөс 42.810.000 төгрөгийн үнэ бүхий “Багаж, техник хэрэгсэл” худалдан авах тендер зарлажээ. Уг тендерт ирсэн материалыг энэ сарын 10-ны өдөр хүлээн авахаар тооцоолсон байна.
Сүүлийн үед орон нутгийн “Засаг даргын тамгын газар” гэх нэрийдлээр орон нутгийн төсвийг нэн шаардлагатай зүйлсд зарцуулахгүй, урсгал засвар, тавилга эд, хогшил, багаж хэрэгсэлд олон сая төгрөгийг зарцуулж байгаа мэдээллүүд ар араасаа гарсаар.
Тодруулбал, энэ хэцүү цаг үеүдэд Хөвсгөл аймгийн “Жаргалант сум”-д олон ажлыг хийж хэрэгжүүлэх шаардлага тулгарахад төсөв мөнгөгүй хэмээн хойш тавьдаг хэрнээ үр ашиггүй зүйлд маш их мөнгийг зарцуулдаг аж.
Гэтэл цар тахалтай энэ үеүдэд багаж, хэрэгсэлийг олон сая төгрөгөөр авах нь төдийлөн тохиромжтой биш юм. Учир нь тавилга, багаж хэрэгсэл бол түргэн илэгдэж хорогдоод дуусах зүйл биш учир жилийн жилд төсөвт суулгаж ахин дахин багаж солих тендер зарладагт иргэд дургүйцдаг аж. Иймд онцгой энэ үеүдэд орон нутгийн төсвийг нүдээ олсон ажилд зарцуулахыг тус сумын иргэд нь шаардаж байна.
Like
0
Зөв
0
1
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
