СБД-ийн засаг дарга Х.Болормаа хөрөнгө орлогоо худал мэдүүлдэг үү?

Төр.мн I Сэтгүүлч

2021-11-17

Төр, засгийн бодлого, хууль тогтоомж, Засгийн газрын болон дээд шатны Хурал, Засаг даргын шийдвэрийг сурталчлах, хэрэгжүүлэх ажлыг зохион байгуулах, мөн хүн амын зайлшгүй хэрэгцээ, шаардлагатай зүйлсэд арга хэмжээ авах, иргэдийн санал гомдол хүсэлтийг хүлээн авч хэрэгжүүлж, дээд шатанд уламлах эрх үүрэгтэй Засаг дарга нар сүүлийн жилүүдэд нэлээдгүй хөлжиж ард түмний эгдүүцлийг хүргээд байна.

Үүний тод жишээ болсон дарга бол Сүхбаатар дүүргийн засаг дарга Х.Болормаа юм. Түүний хөрөнгө орлогын мэдүүлэг 2019, 2020 оны байдлаар бүртгэгдсэн байдаг. Уг хөрөнгө орлогод 2019 оныг 2020 онтой харьцуулахад түүний хөрөнгө орлого "нэмэгдсэн". Мөн хөрөнгийн талаар "худал мэдүүлэг" өгч байгаа нь олны дургуйцлыг хүргээд байгаа аж.

Тодруулбал, тэрээр 2019 онд 11058,92 /мян/төг/ орлоготой гэж мэдүүлсэн бол 2020 онд 12357.51 /мян/төг/ хэмээн мэдүүлжээ. Мэдүүлэг гаргагчийн гэр бүлийн нийт орлого нь 2019 онд 920.00 /мян/төг/ байсан бол 2020 он 12357.1/мян/төг/ болж өссөн байна.. Мөн дотоодын банк, санхүүгийн байгууллагад байрлах хадгаламж, данс, мөнгөн хөрөнгийг 69,47 /мян/төг/ байсан бол 2020 оны байдлаар 476.82/мян/төг/ -өөр огцом нэмэгдсэн байна.

Түүний зээлийн хэмжээ нь 2019 онд 6500.00 төгрөг байсан бол 21500.00 төгрөгөөр нэмэгдсэн байна. Харин одоог хүртэлх амны орон сууц, зуслангийн байшин, хашаа байшин, үйлчилгээ, үйлдвэрийн зориулалттай барилга, ажлын байр, авто зогсоол, авто гражгүй хэмээн худал мэдүүлэг өгдөг нь олны эгдүүцлийг хүргээд буй.

Тухайлбал өөрийн нэр дээр эзэмшилтэй компани, болон хэдэн хэдэн объекттой хэрнээ ард түмнийг хуурч худал хөрөнгийн мэдүүлэг өгдөг, төрийн албан тушаалд заларсан эрхэм дарга нар ажил үүргээ эрхэмлэхийн оронд албан тушаалаа урвуулан ашиглаж өөрт хэрэгтэй ажлуудыг хийж гүйцэтгэдэг талаарх мэдээлэл сүүлийн үед газар авсаар байна. Иймд төрийн албанд заларсан эрхэм дарга нар хөрөнгөжиж, ард түмэн ядуурч байгаа энэ тогтолцоог сурвалжлах хүсэлтийг иргэд тавьлаа. Тиймээс СБД-ийн Засаг дарга Х.Болормаа хөрөнгө орлогоо ард түмний өмнө хэрхэн үнэн мэгдүүлсэн талаар бид үргэлжлүүлэн сурвалжлах болно.

Нийт сэтгэгдэл 0

! Анхаар! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд tur.mn сайт хариуцлага хүлээхгүй.