Олон нийтийн сүлжээнд ноцтой хэрэг гарсан нь Монголчуудын сэтгэлийг ихэд эмзэглүүлж байна. Тодруулбал, Өмнөд Солонгосын дунд сургуулийн сурагч охид нийлж сургуулийнхаа Монгол охиныг гар хөлийг нь хүлж байгаад зургаан цагийн турш зодож тамалсан хэргийн бичлэг тус улсын хэвлэлүүдээр цацагдлаа. Хэрэг өнгөрсөн долдугаар сард гарсан ч саяхан олон нийтэд ил болсон юм. Гэтэл уг хэрэг өнгөрөөд олон сар болж байхад манай Гадаад харилцааны яамныхан огт мэдээгүй байгаа нь харамсалтай юм.
Тус хэргийн талаар мэдээлэл ирсэн эсэхийг асууж, хэрэгт ямар хариуцлага тооцсоныг тодруулахад "Манайд энэ хэрэгтэй холбоотой мэдээлэл ирээгүй. Өмнөд Солонгос улсад суугаа Монгол Улсын Элчин сайдаас тодруулаад хариу өгье" хэмээн хэлсэн байдаг.
Гэтэл уг хэргийн талаар Монгол улсаас БНСУ-д суугаа консулийн газраас тодруулахад “Тухайн иргэн өөрөө хүсэлт тавьсан тохиолдолд шалгах үүрэгтэй, Тухайн гэмт хэрэг болсон дүүргийн хэлтэс нь хариуцна. Тэгээд гадаад хэргийн яам руу явуулна, мэдээллэнэ, Бид одоогоор мэдээлэлгүй байна хэмээн хэллээ. Тэгвэл охиныг зодож, тамласан 4 охины хоёрынх нь хэргийг прокурорын байгууллагад шилжүүлсэн бөгөөд хоёр нь насанд хүрээгүй тул хуулийн хариуцлагагүй хүлээлгэхгүй хэмээн шийдвэр гарсанг нь хүртэлх Монгол улсаас БНСУ-д суугаа консулын газар мэдээгүй гэсэн үг. Иймд Гадаад хэргийн яам нь Монгол улсаас БНСУ-д консулын газар руу чихэж, консул нь яам руу чихэж байгаа нь үнэхээр эмгэнэл. Тэд ажлаа ингэж л хийдэг. ..
Харин уг хэргийн тухайд хохирогч охин "Намайг зодсон охид одоо ч хичээлдээ явж байгаа. Сүүлдээ би ямар нэг буруу зүйл хийсэн юм болов уу гэх сэтгэгдэл хүртэл төрж байна" гэсэн бол хохирогч охины ээж "Охиныг минь зургаан цагийн турш зодож, хүчирхийлсэн. Бид охиноо алга болсон гэх дуудлагыг цагдаад өгснөөс хойш хоёр хоногийн дараа шөнө "Охиныг чинь олсон. Ингээд зодсон байна. Ийм хэрэг болсон байна" гэсэн мессеж ирсэн. Гол нь охиноо алга болсон хоёр хоногийн хугацаанд тэдгээр хүүхдүүдийн гэрт очиход "Юу гэж охин чинь энд байдаг юм" гээд байсан. Гэтэл байсан байна лээ. Охиноо олоод амны хаалтыг нь авахад хацар нь хавдчихсан, танихын аргагүй болсон байсан. Гэртээ ирээд биеийг нь харахад аймшигтай тамласан байсан. Тамхи татаж байсан ишээ идүүлж, архи албаар уулгаж, зодсон. Охин минь шоконд орчихсон учраас юу ч хэлээгүй. Ямар нэгэн зүйл хэлбэл ална гэж тэр охид сүрдүүлсэн байсан. Цагдаа нар авч хэлэлцэхгүй байсан. Танай охин мэдээлэл өгөхгүй бол хэрэг үүсэхгүй гэх мэтчилэн харилцсан. Би охиноо юу болсон талаар ярихыг ятгаж, хамгаалалтад авна гэж гуйж байж хэлүүлсэн.
Тухайн хүчирхийлсэн охид 14-16 насныхан. Бичлэг нийтэд тавигдсанаас хойш сургуулийнх нь бүх хүүхдүүд миний охиныг ялгаварлах болж, охин минь сэтгэл санааны гүн хямралд орсон. Одоо ч тэд миний охиныг сүрдүүлсэн хэвээр л байна. Маш их гомдолтой байна" гэжээ.
Монгол гэх тусгаар тогтносон улсын үнэт зүйл, баялаг бол та, бид. Гэтэл иргэнээ хамгаалж чадахаа больж, Монгол хүний амь ямар ч үнэ цэнэгүй болж, Монгол улсын иргэнийг хамгаалах төр нь өөрөө иргэдээсээ нүүр буруулж байгаагийн бодит жишээ энэ юм. Тансаг од харштай Гадаад хэргийн яамны САЙДАА... улсын хил гараад Монгол хүн хүн биш болдог уу? Консулын газар чухам юу хийдэг газар вэ? Харь газар тамлан зовоож, үхэхээс наагуур болсон бяцхан охины хэрэг та бидэнд хамаагүй юу? Та үүнд хариулт өгнө үү?
Бид үргэлжлүүлэн сурвалжлах болно.
Like
2
Зөв
0
0
Буруу
0
Воов
1
Уйтгартай
0
Дуртай
Солонгос дах элчин сайд тэнд ажилдаг хүмүүс бол зүгээр элгийн хэдэн гарууд байгаа. Хүрэлсүх новшинцорын явуулсан бөгс үнсэгч нь.
© 2013-2023. Вэб сайт бүтээсэн: Tsast Solution LLC
