Хүнс, хөдөө аж ахуй, хөнгөн үйлдвэрийн яам нь цар тахалтай эдгээр өдрүүдэд салбарынхаа эдийн засгийн өсөлтийг хэрхэн сайжруулах талаар толгойгоо гашилган ажиллахын оронд шагнал урамшуулалд толгой гашилгаж сууна.
Тодруулбал, Хүнс, хөдөө аж ахуй, хөнгөн үйлдвэрийн яам нь улсын төсвөөс 62 сая 400 мянган төгрөгийг батлуулаад авч. Энэ мөнгөөр улсын аварга малчин, хошой улсын аварга малчин, саальчны шагналд олгох МӨНГӨН аяга худалдаж авах тендер зарласан.
Уг худалдаж авах мөнгөн аяга нь “Цалин цагаан цулгуй мөнгө, амсрын хэмжээ нь 166мм, өндөр нь 45 мм аяган орсон нийт мөнгөний жин 135 граммаас доошгүй, аяганы доторх 999 сорьц бүхий 75 граммаас доошгүй. Аяганы ёроолд 925 сорьцтой. Нэг бүрийн үнэ нь 8200000 гаран төгрөг"-ийн үнэтэй 78 ширхэг аяга авахаар зэхээд байна.
Тус тендерийн материалыг 2022 оны 01-р сарын 14-ны өдрөөс өмнө хүлээж авахаар тооцоолжээ.
Улс орон эдийн засгийн хямралд орж, иргэд эрүүл мэндийн хүнд нөхцөлд амьдарч байгаа эдгээр өдрүүдэд шагнал урамшуулал болон үр ашиггүй зардалд ард түмний татварын мөнгийг зарцуулж, хэрээс хэтэрсэн тансаглал зэрэгт анхааралдаа төвлөрүүлэхгүй байхыг засгийн газар болон ард түмэн үргэлж сануулдаг. Гэтэл Хүнс, хөдөө аж ахуй, хөнгөн үйлдвэрийн яам эдгээр үгийг үл тоож улсын төсөв гэх нэрийдлээр ард түмний татвараас 78 ширхэг МӨНГӨН аяга худалдан авах 62 сая төгрөгийг гаргуулжээ.
Хүнс, хөдөө аж ахуй, хөнгөн үйлдвэрийн яамны зорилго нь “Салбарын бодлогыг оновчтой тодорхойлж хэрэгжүүлэх замаар түүхий эдийн нөөцийг зохистой ашиглах, импортыг орлох, экспортын баримжаатай бүтээгдэхүүний үйлдвэрлэл, үнэ цэнийн сүлжээг хөгжүүлэх, үйлдвэрлэлийн орлого, бүтээмжийг өсгөн өрсөлдөх чадварыг дээшлүүлэн салбарын эдийн засгийн өсөлтийг тогтвортой нэмэгдүүлэх, хүн амыг эрүүл, баталгаат, шим тэжээллэг хүнс, эрүүл ахуй, хэрэглээний шаардлага хангасан хувцас, хэрэгслээр хангах нөхцөлийг бүрдүүлэхэд” оршино.
Like
0
Зөв
0
2
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
