Нам нь ч тэр, бүлэг ч тэр хоёр хуваагдсан Ардчилсан нам “Морь унасан толгойгүй нам” гэлтэй болжээ. Дотроо хөнжилөө жийлцэж, тамгаа булаацалдаж байгаа нь яг л “яс булаацалдаж буй нохой адил” харагдаж байгааг Ардчилсан намын гишүүд дэмжигчид хэлэх болж. Аргаа барахдаа УИХ-ын Хууль зүйн байнгын хороогоор АН-ын хэрүүл, тамганы асуудлыг хэлэлцэж байх жишээтэй.
Байнгын хорооны гишүүд Ардчилсан намын тамга, тэмдэгтэй холбоотой асуудлыг хэлэлцээд байр сууриа илэрхийлэхдээ нам дотроо асуудлаа шийдэхийг онцолж байв. Үүнийг Ардчилсан намынхан өөрсдөө хэллээ. Гишүүд хэрхэн байр сууриа илэрхийлснийг дор дурдъя.
УИХ-ын гишүүн Б.Пүрэвдорж:
-Улсын дээд шүүхээр л даргын асуудал яригдана. Та нарын өгсөн бичиг баримтад дээд шүүх хариу өгч байна. Тэр доторх агуулгад намын чинь дотоод асуудалд оролцохгүй. Та нар нэг тамгатай нэг даргатай албан бичиг оруулаад ир. Тэгвэл бүртгээд л өгье гээд байна шд. Энд асуудал шийдэх нь ямар ч утга учиргүй юм. Маргалдаж байгаа хоёр тал хоёулаа МАН дээр очоод манай намын даргын асуудлыг шийдэж өг гэдгээ болих хэрэгтэй. Ардчилсан нам даргынхаа асуудлыг МАН-ын ажлын хэсгээр шийдүүлэхгүй, МАН-ын олонхтой УИХ-аар шийдүүлэхгүй. Ардчилсан намын даргын асуудлыг МАН-тай алалцаж байж авдаг байхгүй юу. Хэлэлцэж байж авдаггүй юм. Өөрсдөө эвтэй бай. Хэн нэгнээр асуудлаа битгий шийдүүл. Өөрсдөө дотроо учраа ол. Юун их хурал, Юун ажлын хэсэг вэ. Нэгэндээ буулт хий.
УИХ-ын гишүүн Ц.Туваан:
-Ардчилсан намын хариуцлагатай албан тушаал хашиж байсан. Ардчилсан намын дүрэм Улсын дээд шүүхийн бүртгэлтэй сейфэд хадгалагдаж байгаа. Дүрмийн 3.10 дугаар заалт Ардчилсан нам нь УИХ-ын сонгуульд хамгийн олон суудал аваагүй тохиолдолд намын дарга, дэд дарга, ерөнхий нарийн бичгийн даргыг огцорсонд тооцно. Манай нам автоматаар огцордог юм. Хууль дүрмийнхээ дагуу дараа нь үйлчлэх хүчинтэй бичиг баримт бол энэ байна. Үүгээр С.Эрдэнэ дарга бол намын дарга биш. Ингээд би ажлыг хүлээж авсан. Хадганд боосон тамга хүлээж авсан. Дээд шүүх дээр миний нэр байсан. Гэтэл УБЕГ-аас өчигдөрхөн тогтоолын дугаар байхгүй байна гэж хэлсэн.
УИХ-ын гишүүн Н.Алтанхуяг:
-Шүүх дээр очихгүйгээр шийдвэрлэгдэх ёстой байсан асуудлыг зориуд хоёр тамга, хоёр Үндэсний бодлогын хороо, хоёр даргатай болгосон. Д.Дэлгэрсайхан энэ бүх булхиаг хийж байна. Түүнд холбогдох хэргүүдийг гүйцээж, шоронд явуулах ёстой. Ардчилсан намын асуудал Шүүхийн процесст очихгүйгээр Улсын бүртгэлийн ерөнхий газарт шийдэгдэх ёстой байсан асуудал.
УИХ-ын гишүүн Д.Ганбат:
-Намаа хоёр хуваасан, бүлгээ хоёр хуваасан. Одоо Их хурлыг хоёр хуваах нь л дээ. Хууль бус шаардлага тавиад байх юм. Ардчилсан намыг хуулийн дагуу ажил төрлийг нь хийлгэхгүй байгаа юм. Юунаас болсон бэ гэвэл өмнө нь хууль шүүхийн байгууллагыг томилдог хуучин төрийн тэргүүнээс болж байгаа юм. Төрийн албан хаагчид, шүүгчид энэ хэрүүлийн бузраас чинь болж хэлмэгдэж байна. Би Н.Алтанхуяг гишүүнд их харамсч байна. Та 2020 оны сонгуульд бие дааж нэр дэвшиж орж ирсэн. Хуулиараа та Ардчилсан намыг төлөөлөх ямар ч эрхгүй. Сонгуульд өрсөлдөхдөө л бодох байсан юм. Энэ тэнд очихоор хүн дүүжилнэ. Төрийн байгууллагууд дээр очоод дарамтлаад байж болохгүй. Талбай дээр өлсгөлөн зарласан нь хууль бус. Ерөнхийлөгчид Н.Алтанхуягийг дэвшүүлнэ гээд зүтгээд байсан. Би болдоггүй юм гэж хэлсэн. Женкогийн заавраар явна аа л гээд байсан. Болдоггүй юмаа л гэж хэлсэн. Нэг намын дарангуйлалын эсрэг, нэг хүний дарангуйлалын эсрэг явья уриагаа өөрчлөөд яв гэж би хэлж байсан. Та 3-ын аль нэг нь шүүхэд нөлөөлөх юмаа хийгээд гарын үсэг зурсан байна. Наадах чинь баримт болно шүү.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
