АН-ын даргын сунгаа эхэлж нэр дэвшигч Х.Баттулга, Ж.Батсуурь нар сурталчилгаагаа хийгээд орон нутгаар явж буй. Тамга тэмдэг нь хэнд байгаа нь үл мэдэгдэх, хэн нь жинхэнэ АН болох нь ч тодорхойгүй хоорондоо хагарч бутарсан намын аль талаас даргын сунгаа хийж, аль нь "жинхэнэ" гэдэг нь ойлгомжгүй болтлооо Ардчилсан нам шалдаа буугаад байгаа.
Тэгвэл тамга тэмдэг нь байгаа, хүчин төгөлдөр гэх С.Эрдэнэ дээрх хоёр нэр дэвшигчийн АТГ-т өгөхөө мэдэгдлээ.
Тодруулбал, Хууль ёсны тамга тэмдэггүй хэсэг бүлэг нөхдүүд Ардчилсан намын даргын сунгаа зохион байгуулж, Ардчилсан намын нэрийг барьж буй үйлдлийг хууль бус хэмээн үзэж эдгээр хүмүүсийг шалгуулахаар цагдаагийн байгууллагад хандлаа.
Тэрбээр "Ямар ч тамга тэмдэггүй хэсэг бүлэг нөхөд өнөөдөр өөрсдийгөө Ардчилсан нам хэмээн нэрлэж, намын даргын сунгаа явуулж байна. Улмаар тус сунгаанд хоёр хүн нэр дэвшиж, хөдөө орон нутагт сурталчилгааны ажил хийж байна. Энэ асуудлаар бид удаа дараа шаардлага тавьсан. Тамга тэмдэгтэй хүчин төгөлдөр байгууллага үйл ажиллагаа явуулах ёстой. Гэтэл олон нийтийн санал бодлыг бусниулсан, Ардчилсан намыг хагаралдуулах үйл ажиллагааг удаа дараа явуулж байна. Үүнтэй холбогдуулан АН-ын хаяг, тэмдэг, тамгийг хууль бусаар ашигласан эдгээр иргэдийг АТГ болон ЦЕГ-т шалгуулахаар өргөдөл гаргасан" гэсэн юм.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
