Өнөөдөр буюу 4-р сарын 06-ны өдөр Тагнуулын ерөнхий газраас зэвсэгт этгээдүүдийг баривчлан саатуулсан асуудлаар мэдээлэл өглөө.
Иргэдийн зохион байгуулж буй жагсаал цуглааны үеэр хүний эрүүл мэнд, амь насанд халдаж үймээн самуун өдөөн хатгалаг, турхирах зорилготой зохион байгуулалтад орсон этгээдүүдийг тагнуулын байгууллагаас шалгаж байгааг онцоллоо.
Тодруулбал, экстремист үйл ажиллагаа явуулах гэмт хэрэг үйлдэхээр бэлтгэж байсан Монгол улсын нэр бүхий 5 иргэнийг саатуулан мөрдөн шалгах ажиллагаа хийжээ.
Дээрх этгээдүүд нь Экстремист үйл ажиллагаа явуулахаар багагүй хугацаанд төлөвлөн бэлтгэж байсан ба тухайн этгээдүүдийн орон гэр, тээврийн хэрэгсэл, ажлын байранд хийсэн нэгжлэгээр улсын онц чухал объектуудыг зэвсэглэн хяналт тавихаар төлөвлөсөн гар бичмэл, хууль бусаар олж авсан галт зэвсэг байлдааны болон бусад зориулалттай галт зэвсэг, зэвсгийн чанартай эд зүйлс илэрсэн байна. Нэгжлэгийн явцад нийт 12 ширхэг галт зэвсэг илэрснээс АКА 47 маркийн сериал дугаарыг зориудаар арилгасан автомат буу 1 ширхэг, УОЛТЕР маркийн гар буу 1 ширхэг, ТТ50 маркийн гар буу 1 ширхэг, бүртгэлгүй галт зэвсэг 5 ширхэг байжээ. Үүнээс гадна 861 байлдааны сум болон тэсэрч, дэлбэрэх хэрэгсэл зэрэг илэрснийг эд мөрийн баримтаар хураан аваад байна.
Дээрх 5 иргэн зохион байгуулалттай хууль бус үйл ажиллагаа явуулахаар бэлтгэж байсан бөгөөд зарим нэр бүхий улс төрч, төрийн албан хаагчийн амь насанд халдахаар төлөвлөж байсан нь мөрдөн шалгах ажиллагааны явцад илэрчээ.
Мөн хэргийн нэр холбогдогч дээрх хууль бус үйл ажиллагаанд ашиглахаар хадгалж байсан бүртгэлгүй галт зэвсгээр нэгнийгээ санаатайгаар буудан хүнд гэмтэл учруулсан байна. Иймд Тагнуулын ерөнхий газар “Үзэл бодлоо илэрхийлэхээр зохион байгуулж буй тайван жагсаал цуглааны үеэр зэвсэг, зэвсгийн чанартай эд зүйлс, тэсэрч дэлбэрэх эд зүйлс ашиглан нийтийг хамарсан эмх замбараагүй байдал үүсгэн, гэмт хэрэг үйлдэх, санаа зорилго бүхий бүлэг этгээдүүд байхыг үгүйсгэхгүй учир жагсаал цуглаанд оролцохдоо анхаарал болгоомжтой сонор сэрэмжтэй байж бусдын өдөөн хатгалгад автахгүй байхыг анхааруулж байна".
Like
1
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
