Монголын хамгийн том "ЛУЙВАРЧИН" өрөө төлөхгүй байхыг уриалав

Дуулиан

0
2001

Монголын хамгийн том "ЛУЙВАРЧИН" өрөө төлөхгүй байхыг уриалав

Админ I Төр.мн

2022-04-20

УИХ-ын гишүүн Ц.Нямдорж “Монголын хамгийн том луйвар Эрдэнэт үйлдвэр дээр явагдлаа” гэж хариуцлагатайгаар мэдэгдсэн. Тиймээс өнөөдөр Монголын хамгийн том луйврыг хийсэн Эрдэнэбилэгийг хамгийн том луйварчин гэж нэрлэхээс өөр арга алга. Улаанбаатар хотыг хөгжүүлэх зорилготой байгуулагдсан Улаанбаатар банкыг хууль бусаар гартаа оруулж, Интер, Капитрон банкуудыг өөртөө нэгтгэж, Солонгосчуудыг залилсан мөнгөөрөө Худалдаа хөгжлийн банк худалдаж авсан сахал хочит Эрдэнэбилэг тэргүүтэй улс төр бизнесийн бүлэглэлийнхэн одоогоос 12 жилийн өмнө Нью-Иорк хотноо

“Жералд мөталз”-ийн Ллойд гэгч нөхөртэй уулзуулж ХХБ-ыг Улаанбаатар банкинд худалдах эцсийн тохиролцоог хийх, хариуд нь Жералд металзд Эрдэнэт үйлдвэрийн Оросын талын эзэмшдэг 49 хувийг авч өгөх үүрэг хүлээсэн тухай хэвлэлүүд бичиж байсан. Энэ бүх мэдээлэл ор хоосон зүйл байсангүй. Өнөөдөр энэ том луйварчин Хөгжлийн банкнаас 506 тэрбум төгрөгийн зээлтэй. Гэвч тэр энэ мөнгийг би аваагүй хэмээн телевизэд хээв нэг ярилцлага өгөөд сууж байна.

Тодруулбал, “Улаан бал” нэвтрүүлгээр орохдоо Хөгжлийн банкнаас зээл авахдаа та юу бодож байсан бэ” гэсэн асуултад “Би аваагүй шүү дээ. Тухайн аж ахуйн нэгж л авсан” гэж хариулж байх юм. “Засгийн газар үйлдвэрийг буцаагаад авчихлаа. Аж ахуй нэгжүүд эхнээсээ шүүхдэлцэх гэж байгаа бололтой. Та яах вэ. Эсвэл төрд итгээд хүлээгээд байна уу?” гэж асуухад “Хуультай, шүүхтэй улс юм чинь нэг шийдвэр гарах байлгүй дээ. Хөгжлийн банктай адилхан манайх ч бас зээлдүүлэгч” гэж томров.

Эндээс харахад “сахал” хочит Эрдэнэбилэг Хөтөлийн цемент шохойн үйлдвэр, Дарханы Төмөрлөгийн үйлдвэрт Худалдаа хөгжлийн банкнаасаа зээл олгосон хэмээн шүүхээр заргалдаж, төрийг өрөнд оруулахаар санаархаж байгаа бололтой. Тэрээр “Зээл өгөх нь, авах нь, төлөхгүй удах нь яагаад буруу болдог юм бэ” юм бэ хэмээн хээв нэг ярьж сууна. Банкны эзэн зээлээ төлөхгүй удахад буруугүй гэж ярьж байгаа юм бол Худалдаа хөгжлийн банкнаас авсан зээлээ хэн ч төлөхгүй байж болох юм байна л даа.

Нийт сэтгэгдэл 0

! Анхаар! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд tur.mn сайт хариуцлага хүлээхгүй.