Үндэсний аудитын газрын дарга Д.Занданбат 830 сая төгрөгөөр ухаалаг дэлгэц, компьютер авчээ, энэ хэмнэлт үү Г.Занданшатар дарга аа?

Дуулиан

9
2223

Үндэсний аудитын газрын дарга Д.Занданбат 830 сая төгрөгөөр ухаалаг дэлгэц, компьютер авчээ, энэ хэмнэлт үү Г.Занданшатар дарга аа?

Админ I Төр.мн

2022-05-23

Улсын Их Хурлын дарга Г.Занданшатар аа! Таны харьяаны байгууллага болох Үндэсний аудитын газрын дарга Д.Занданбат ТӨСВИЙН МӨНГӨӨР ТУЙЛСААР байна. Таны ХЭМНЭЛТ ХИЙ гэж хэлсэн үг хатаж амжаагүй байхад дарга Д.Занданбат 830 сая төгрөгөөр ухаалаг дэлгэц компьютер авчихлаа.

Тодруулбал, сар тутам 255 сая-286 сая төгрөгийн тендер зарлаж богино хугацаанд энэ бүгдийг шийджээ.
287.000.000 төгрөгөөр зөөврийн компьютер
286.500.000 төгрөгөөр суурин компьютер
255.600.000 төгрөгөөр ухаалаг дэлгц, хурлын өрөөний иж бүрдэл авчээ.

Үндэсний аудитын газарт 14 ширхэг Ухаалаг дэлгэц ямар хэрэгтэй вэ? Видео хурлын систем 14 ширхэг ашиглах нэн шаардлага байгаа юу? Хурлын өрөөг иж бүрдэл системээр тоноглох хэмжээний ТАНСАГ газар уу? Хэт их үрэлгэн зардал, тансаг хэрэглээ.

Тэвчиж, хэмнэж болох зардлыг ингэж туйлж буй Үндэсний аудитын газрын дарга Д.Занданбат гэж хэн бэ?

Татварын ерөнхий газрын даргаар ажиллаж байхдаа НӨАТ-ын тухай хууль зөрчсөн гэдэг үндэслэлээр ажлаасаа чөлөөлөгдсөн Д.Занданбат “том ах”-ын буянаар Үндэсний аудитын газрын даргаар томилогдсон байдаг. Анх ҮАГ-ын даргаар томилогдмогцоо өөрийнхөө цалинг нэмүүлэх саналаа тухайн үеийн УИХ-ын Төсвийн байнгын хорооны дарга Б.Чойжилсүрэнд хүргүүлж байсан удаатай.

НӨАТ-ын тухай хууль зөрчсөн гэдэг үндэслэлээр ажлаасаа чөлөөлөгдсөн Д.Занданбат гэх хүнээр бусдын “НО”-г шалгуулна гэдэг шударга гэж үү?

Зарим эх сурвалжуудын мэдээлж байгаагаар Д.Занданбат нь Шадар сайд асан Ө.Энхтүвшингийн ойрын хүн гэдэг. Иймээс даргын "татаасаар" хариуцлага алдсан ч дараагийн даргын сэнтийд заларч чадсан нэгэн. Улсын Их Хурлын дарга Г.Занданшатар хэдэнтэй ҮАГ-ын үйл ажиллагаатай танилцаж байсан.

Ингэхдээ хариуцлага алдаж ажлаасаа чөлөөлөгдсөн даргыг ТЭНГЭРТ тултал магтаж үг хаячихаад явдаг байв. Г.Занданшатар дарга “Иргэд өөрсдөө хэмнэ” хэмээн хэлсэн. Удалгүй харьяа байгууллагуудын удирдлагуудыг дуудаж ХЭМНЭ ХЭМНЭ гэх үүрэг өгсөн байтал Д.Занданбат даргатай Үндэсний аудитын газар 830 сая төгрөгөөр "ТАНСАГ"-лаад сууж байх аж.

Г.Занданшатар дарга энэ бүхнийг мэдсээр атал дуугүй байгаа нь "НЭГ ХАЛААСНЫХ" гэлтэй...

Төр.мн

Нийт сэтгэгдэл 8

! Анхаар! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд tur.mn сайт хариуцлага хүлээхгүй.

Зочин - 3 жил өмнө

хариулах

2 тэрбум төгрөгийг явалддаг хүүхнүүддээ нийгмийн асуудал шийдсэн нэрээр хувааж өгсөн. 300 ажилтантай атлаа 1800 комьпютер 3 жил дараалан 7тэрбумаар худалдан авсан гэдэг шалгаачээ.