Монгол улс 3 сая хүн амтай хэрнээ 70 сая малтай гэдэг. Гэтэл бодит байдал дээр иргэд махны үнэ буусан буугаагүй, нэмсэн, нэмээгүй гэдэг асуудал дээр л анхаарлаа хандуулдаг байсан. Харин одоо чанарын асуудалд анхаарлаа хандуулах цаг нь иржээ. Аргагүй биз дээ Монголчууд биднийг чанарт санаа зовдоггүйг ашиглаж БНХАУ-ын махны үйлдвэрүүд өмхийрсөн илжирсэн, муудсан махыг дахин боловсруулан иргэдэд зардаг байсан нь лавтай. Гэтэл энэ байдал нь үндэсний аюулгүй байдалд халдахад хүртэл асуудал болсон нь ард түмэнг айдаст автуулаад байгаа юм..
Үүнтэй холбоотойгоор НМХГ-ын Хүнсний аюулгүй байдал, хөдөө аж ахуйн хяналтын газрын дарга Т.Балжиннямыг ажлаас нь халах асуудал яригдаад байна.
Тодруулбал, өнгөрөгч амралтын өдрүүдэд Эмээлт дэх махны үйлдвэрийг сурвалжилсан Зариг.мн, МХЕГ-ийн Хүнсний аюулгүй байдал, хөдөө аж ахуйн хяналтын газрын дарга Т.Балжинням нарын мах чанасан үйлдэл олон нийтийн дургүйцлийг хүргээд авсан.
Энэ талаар МХЕГ-ын дарга Б.Баасандорж хэлэхдээ: “Мах чанасан асуудалд миний бие МХЕГ-ын даргын хувьд шүүмжлэлтэй хандаж байна. Байцаагч, иргэн бай тэр компани дээр асуудал гарсан бол лабораторийн дүн гарсны дараа махыг хэрэглэх үү, хэрэглэхгүй юу гэдгийг шийдэх ёстой. Тэнд мах чанасан хүмүүс лабораторийн ажилтнууд биш юм. Энэ нь өөрөө эрсдэлтэй. бид дотроо шүүмжлэлтэй хандаж буй учраас хариуцлага оногдуулна” гэсэн юм. Тэгвэл газрын даргыг ажлаас нь чөлөөлөх үү, үгүй гэдгийг удахгүй шийдэх нь.
Харин газрын дарга Б.Балжиннямаас сэтгүүлчид тухайн үед болсон зүйлийн талаар асуухад “Надад хувийн ашиг сонирхол байхгүй. Найман тонн махыг өмхийрсөн эсэхийг бодитойгоор үзэгчдэд хүргэе гэх асуудлыг сэтгүүлч надад тавьсан. Миний хувьд шинжилгээний хариу гараагүй байхад болохгүй гэх байр суурийг илэрхийлсэн" хэмээн хэллээ.
Өмхийрсөн махыг олон нийтэд амттай МАХ хэмээн нэг талыг баримтлан сурвалжилсан Зариг.мн, лабораторийн дүн гарсны дараах дүгнэлтийг хэлэх ёстой МХЕГазар хоёуланд нь хариуцлага тооцох нь зүй ёсны хэрэг хэмээн олон нийт шүүмжлэлтэй хандаад байгаа юм.
Like
0
Зөв
0
0
Буруу
0
Воов
0
Уйтгартай
0
Дуртай
МХЕГ-ын хүнсний аюулгүй байдал хөдөө аж ахуйн хяналтын газрын дарга гэдэг том албан тушаадтай энэ хүнийг ёс зүйгүй ухамсаргүй үйлдэл хийснийх нь төлөө халаад зогсохгүй хуулийн дагуу хариуулага тооцох хэрэгтэй. Үүрэг хариуцлагаа мэдэрдэгүй мэдлэг чадваргүй төрийн албан хаагч нэр зүүж ард түмний татварын мөнгөөр цалинжаад явж байхаасаа ичмээр юм.
© 2013-2023. Вэб сайт бүтээсэн: Tsast Solution LLC
