Мэргэжлийн хяналтын ерөнхий газар иргэний гомдлын дагуу Улаанбаатар хотын Эмээлтэд байрлалтай БНХАУ-ын ”Эм ди си пи” компанийн мах боловсруулах үйлдвэрт хяналт, шалгалт хийж ноцтой зөрчил илрүүлсэн билээ. Үүнээс улбаалан махтай холбоотой оон асуудлууд үүсээд байгаа юм.
Тодруулбал, Тус үйлдвэрт хийсэн лаборатори шинжилгээгээр махнаас хүнсний цардуулын өндөр агууламжтай нийлмэл бодис болох нунтаг цагаан бодис илэрчээ. Уг бодис нь ходоод гэдэсний эмгэг судлалын өвчин үүсгэх аюултай. Мөн тус үйлдвэрийн муудсан махнаас 30 сая нян илэрсэн юм. Хамгийн гол нь үндэсний аюулгүй байдалд халдаж буй махыг худалдсан, худалдаалж борлуулсан, аж ахуй нэгж байгууллага болон хувь хүн бүрийн цаана маш олон иргэд хохирч байгаа юм.
ЭМ ДИ СИ ПИ компани нь 2006 оны нэгдүгээр сарын 19-ны өдөр гадаад худалдааны чиглэлээр байгуулагдаж байсан бол 2006 оны 06-р сарын 19-ны өдрөөс ноос, ноолуур угаах, самнах чиглэлээр үйл ажиллагаа явуулахаар болжээ.
Цаашлаад 2019 оны 9-р сарын 28-ны өдрөөс "Мах боловсруулах үйлдвэр"-ийн чиглэлээр үйл ажиллагаагаа явуулж эхэлсэн байна. Харин тус компанийн эзэн Бүгд Найрамдах Хятад Ард Улсын иргэн Dong Xiao Zhong бол Монгол дахь захирал Chen Bin нар юм.
Тэгвэл 2019 оноос тухайн үйлдвэр одоог хүртэлх 4 жилийн хугацаанд тасралтгүй үйл ажиллагаа явуулж Монголчуудад хортой мах бэлтгэж байсныг Мэргэжлийн хяналтын газар болон хуулийн байгууллага мэдсэн ч мэдээгүй мэт байсан байж таарах нь. Энэ мэтчилэн энэ үйлдвэр шиг олон зуун Хятад эзэнтэй хор найруулж байгаа газрууд байгаа. Тэдэнд хэн шударга хариуцлага тооцох вэ? Тэдний гар хөлний үзүүрт зарагдсан сайд дарга нар лав биш гэдгийг, хууль хяналтын байгууллага биш гэдгийг Монголчууд бид харлаа, мэдлээ. Бид хэнд итгэж амьдрах вэ? гэдэг асуулт ард түмэнд тулгараад байна.
Албан тушаалаа урвуулан ашигласан та нарын уршгаар хэдхэн сая ард түмэн нь хордож үгүй болж байгааг мэдэж байна уу? Будилааны эзэн та юу бодож сууна...
Like
2
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
