Хоёр өрөө байраа зарж сүлжээнд ороод орон гэргүй болжээ

Дуулиан

0
1070

Хоёр өрөө байраа зарж сүлжээнд ороод орон гэргүй болжээ

Төр.мн I www.tur.mn

2022-06-20

Иргэн О нь хагас жилийн цалингаасаа хураасан мөнгөөрөө 2+2 урамшуулалт пирамидын сүлжээнд орж 14 хоногийн дотор урамшуулал хүртжээ. Ингээд түүнд сард хоёр удаа ашиг олж болохоор сэдэл төрж эргэн тойрныхоо хүмүүсийг элсүүлсээр 6 сая орчим төгрөгөө өнөөх сүлжээндээ өгч, эргүүлээд 1,1 сая гэх мэтээр бага багаар цалин авсаар гурван сар болсон байна. Гар дээрээ бэлэн авсан мөнгийг тооцоод үзэхээр тушаасан 6 сая төгрөгтөө огт хүрээгүй байна.

Сүлжээний хүмүүс О-д дахин санал тавьж өөр "цөөхөн хүмүүст нууц байдлаар олдож байгаа боломж, Монголд 3 сарын дараа орж ирнэ, зөвхөн өөрсдийнхөө хүмүүст түрүүлж боломж олгоод, 300 хувийн ашигтай ажиллана" гэж итгүүлсэн байна. Энэ удаа тэрээр том хөдлөхөөр шийдэж 2 өрөө байраа 85 сая төгрөгөөр худалдан тухайн сүлжээндээ тушаажээ. Улмаар түүнд 300 бүү хэл 3 хувийн ашиг орж ирээгүй байна. Уг сүлжээний хохирогчийн тоо ар араасаа нэмэгдсээр 100 хол давж, нийт 557 сая 580 мянган төгрөгийн хохирол учирсан байна.

Сүлжээний луйвраар хохирсон иргэд мөнгө санхүүгээс гадна сэтгэл санааны хохирол амсдаг байна. Цагдаагийн байгууллагад Пирамидын сүлжээний луйврын 10 томоохон хэрэг цагдаад бүргэгдэн шалгагдаж байгаа бөгөөд нийт хохирлын хэмжээ 110,8 тэрбум төгрөгт хүрсэн байна.

Нийт сэтгэгдэл 0

! Анхаар! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд tur.mn сайт хариуцлага хүлээхгүй.