Ойрд шагналын хур бууж, төв талбай хөл хөдөлгөөн ихтэй байна. Ерөнхийлөгч Х.Баттулга тавдугаар сарын 26-наас эхлэн Алдарт эхийн одон, төрийн шагналыг өдөр алгасахгүй гардуулсаар. Сүүлийн 7 хоног Сүхбаатарын талбай олны хөлд дарагдаж, олон мянган ээж төрийн тэргүүнээсээ одон гардлаа. Алдарт эхийн одон бол арын хаалгагүй олгогддог цорын ганц төрийн шагнал гэдгээрээ онцлогтой.
Нийт 10843 Алдарт ээжид одон гардуулахаас 4224 нь орон нутагт байгаа юм.
Хэдийгээр инээд хөөр баяр баяслаар дүүрэн өдрүүд өнгөрч байгаа ч цар тахлын халдвар буураагүй энэ цаг үед одон авсан ээжүүд, хүүхдүүдээ талбайд дагуулж ирсэн иргэд маск зүүж байгаа нь ховор л байв.
Алдарт эхийн одонтой барьцаад яахав. Гэтэл алдарт эхийн одонтой зэрэгцээд төрийн шагналын хур бууж, олны хэлдэгээр жинхэнэ шагналаар ”Бөмбөгдөв”. Дараагийн Ерөнхийлөгчид шагнал гардуулах хүн үлдэв үү гэж цахим орчинд хошигнож байна. Түүнчлэн Ерөнхийлөгч Х.Баттулга буухаасаа өмнө ёстой л нэг төрийн шагналыг “ЦАЦАЖ” өгч байна гэж ч ёжлох. Шагналтнуудын дунд авьяас, хөдөлмөрөө төрдөө үнэлүүлсэн олон төрийн шагналтнууд төрөн гарч байгаа ч шагнал үнэгүйдэж, хэтэрхий хавтгайрч байгаа нь үнэ цэнэгүй байдалд хүргэж байна уу гэж харагдах боллоо.
Нөгөө талдаа гол учиг нь хөл хорио бүрэн тавигдаагүй, бага насны хүүхдүүд вакцинд хамрагдаагүй байхад ийнхүү өдөр бүр шагнал гардуулж, олон нийтийг цуглуулсан нь халдвар нэмэгдэх эрсдэл бий болох вий гэсэн сэрэмжлэл байна.
Төрийн шагнал гардуулах үйл ажиллагаа энэ сарын 6-ныг дуустал үргэлжлэх юм байна.
Төр.мн
Like
0
Зөв
1
1
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
