Монгол Улсын Засгийн газрын тэргүүн, Ерөнхий сайд Л.Оюун-Эрдэнийн дэвшүүлж буй Шинэ сэргэлтийн бодлогын хүрээнд нийт 14 боомтыг авто болон төмөр замаар холбох томоохон зорилтыг дэвшүүлсэн. Энэ тухайгаа ч өнгөрсөн долоо хоногт Хэнтий аймагт ажиллаж байх үеэрээ мэдэгдэж “Нийт боомтуудаа автозамаар, стратегийн чухал ач холбогдолтой боомтуудаа төмөр замаар холбох нь экспорт, импортын урсгалыг нэмэгдүүлэх, аялал жуулчлал, ачаа тээврийн эргэлтийг сайжруулах боломжийг бүрдүүлэх болно” гэж тодотгосон юм.
Тэгвэл энэ зорилтын хүрээнд дахин нэг боомт үүд хаалгаа нээж, тээвэр ложистикийн нөхцөл байдал сайжрах нь. Монгол Улсын Засгийн газар саяхан "Цагаан дэл-Уул” боомтыг гурван хоногийн туршилтаар нээж, туршилт хангалттай сайн үнэлгээ авсан байна.
Ингэснээр Монгол, БНХАУ-ын Засгийн газрын хоорондын хэлэлцээр ажил хэрэг болох нөхцөл бүрдлээ. Тодруулбал, Боомт нээгдснээр дэд бүтэц хөгжинө. Боомтын бүтээн байгуулалтын ажлын хүрээнд Таван толгой-Баруун наран чиглэлийн авто замын төгсгөлөөс Цагаан дэл уул боомт хүртэлх тусгай зориулалтын 267 км урт авто зам байгуулах юм. Боомтын туршил амжилттай болсноор дээрх авто зам барих ажил тун удахгүй эхлэх нь.
Ингэснээр зам, харилцаа хөгжөөгүй, шороон замаар тоос татуулан тээвэрлэлт хийдэг бидэнд таатай нөхцөл бүрдэх юм.
"Цагаан дэл Уул" боомтыг БНХАУ-ын ӨМӨЗО-ны Алшаа аймгийн 43 тэрбум төгрөгийн буцалтгүй тусламжаар бүтээн байгуулах юм. Энэ хүрээнд одоогийн байдлаар Хятадын талаас 1.6 тэрбум юанийн хөрөнгө оруулалт хийгээд байгаа аж.
Монгол Улс дэлхийн анхаарлын төвд байна. Олон улсын удирдлагчид Монгол Улсад айлчилж, Монгол Улсын ерөнхий сайд Л.Оюун-Эрдэнэ ч гадаад айлчлалдаа бэлтгэж буй. Тэгвэл удахгүй БНХАУ-ын Засгийн газрын сайд нар манай улсад айлчлал хийхээр байгааа. Энэ үед хоёр улсын Засгийн газар хооронд хийгдсэн “Цагаан дэл-Уул” боомтоо эхлүүлэхээр зэхжээ.
.jpg)
Төр.мн
Like
0
Зөв
0
0
Буруу
0
Воов
0
Уйтгартай
1
Дуртай
© 2013-2023. Вэб сайт бүтээсэн: Tsast Solution LLC
