Даатгал бол хамгийн их ашиг орлоготой, ардаа нөлөө бүхий эздүүдтэй бизнесүүдийн нэг. Жил бүр иргэд жолоочийн хариуцлагын даатгал, тээврийн хэрэгслийн даатгал зэрэг даатгалыг хийлгэдэг. Эдгээрийг хийлгээгүй бол замын цагдаа нар торгоно бусад арга хэмжээг жолоочоос авна. Иймд зайлшгүй хийлгэх нөхцөл шаардлага үүсдэг. Мэдээж аливаа эрсдэл гарахад даатгалаар төлбөрөө төлүүлэх боломж бүрддэг нь давуу талтай ч даатгал 5 сая төгрөгөөс дээш төлбөрийг бүрэн гаргадаггүй нь луйврын шинж чанартай гэж хэлж болохоор. Даатгалын компани жолоочийн хариуцлагын даатгал дээр дээд тал нь 5 сая төгрөг л гаргадаг. Түүнээс илүү хохирол учирсан бол зүрүү мөнгийг буруутай этгээд хохирогч талдаа төлдөг. Хүн өдөр бүр осол аваар гаргахгүй нь тодорхой. Дунджаар нэг жолооч 5 жилдээ нэг удаа шүргэлцэх, санамсаргүйгээр жижиг осол гаргадаг нь тогтоогджээ. Манай улсад 958000 тээврийн хэрэгсэл бүртгэлтэй. Жолоочийн хариуцлагын даатгалыг дунджаар 200000 гэж авч үзвэл 191.600.000.000 төгрөг болж байна. Энэ их мөнгө хаашаа ордог вэ? даатгалын компаниудын эздүүд түүний ард хамтран ашиг хүртэж байгаа улс төрчдийн халаасанд орно.
Дээр дурьдсан асуудал бол нэг л жишээ. Тэгвэл та бүхэнд өөр нэгэн луйврын шинж чанартай мэдээллийг хүргэе.
“Хаан даатгал” гэх компани иргэд болон гадаадад аялагчийн жолоочийн хариуцлагын, тээврийн хэрэгслийн, орон сууцны иж бүрэн даатгал дотоод аялалын, хязгааргүй сайн дурын гэх мэт даатгалын үйлчилгээ үзүүлдэг байна.
Гэтэл тус компани иргэдтэй гэрээ байгуулаагүй атал СӨХ-ны мөнгөн дээр нэмж 1500 төгрөгийг татан авдаг байсан нь баримтаар илэрчээ. Энэхүү баримтыг анзаарсан иргэн олон жил төлж байснаа саяхан мэдэж сошиал орчиндоо тавьснаар бусад иргэдээс ч энэ мэт СӨХ-ны мөнгөн дээр нэмж авдаг байсан нь тогтоогдсон тухай шуугиж байна. Иргэн та өөрийнхөө СӨХ-ны мөнгөн баримтыг анзаарч нэг нягтлаад үзээрэй. Магадгүй жагсаалтад нь 1500 нэмж Хаан даатгал компанид төлөгддөг байхыг үгүйсгэхгүй юм. Хэрвээ тухайн компани иргэдтэй гэрээ хийгээгүй л бол энэ луйвар юм.
Иргэн та СӨХ-ныхоо баримтын жагсаалтыг шалгаад ийм хохирол учирсан бол манай редакцид хандаарай.
Төр.мн
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
